Popular Bible Verses from LAGYO: 16

Share

Yao: shid' zo: wa- Asang Yesu re lam wa,- Ailao" nao we' ni" yham khug: byu qe alhab' mo, khyad' yu: ru qhug' genae"- ga: phaug' tau" ako".

Gae gaung: myi: ko re- Polu we' Sila shid' zo: wa- akyu" mho' mung: Mao"So re caung: nghaui" na: ako". Thaung: byu gaje qe wa ai re tae" gyo: yang: na: ako". Alao" nyag din taung" myid lab: qi: sho' lab' li" mung:- thaung: yham apan laui" nan" li" ra". Ailao" jao"- kham: dung: alhab' bung" li" mung:- thaung: byu qe alhab' mo, mae" jao cao: taui: jham gyad: gyo" lo" byaug: ra".

Ai: thao re yao: wa yao: shid' zo: re taung gaung khyo jhui" thug' lo mung: Nhag' bo shid' zo: we"- ngo khyad' yu: ru qhug' nae" qhid' mae" pe" ja: kad' ca" i? ga: myid' ra".

Thaung: agyi pho" wa yab: jo; ru mae" so" li" mung: thaung: yham kham: dung: jham bung" jo; rure li" the' myao lao"- yao: wa thaung: byu qe alhab' mo, phao: thug' lo" byaug va" ga: myid: jho yang:- yao" shae pyang: she: yu mung: yao: yao: thug' shid nae" seim" ra". Ngadqere: Polu wa- yao" thoe myhao: thao" mae" zag: hug' mung:- Nao yao" gaung re pe" dakad' wa,- ngonhaung" alhab' mo, cetau mae ana: bam:- ga: ta" ra".