Popular Bible Verses from PHAO: THUG' 3

Share

Mao"So wa- ngo wa ngo ngad:- ga: yaug ngad: ra". Airumung: nao wa yao: bam re ngo ngad:- ra" ga: mhang" ra" yaug wa naonhaung" jhao" ngore nhao ke' ra" ein: ta" ca" ra".

Mao"So wa ngo wa nao we' daga" na nae"- nao Israel byu qere Egutu mung" mae" jhui" thug' lo: lao"- Naonhaung" wa ce: bam mae ngore caung:pa" byid' li" genae"- ai wa nao re ngoyang nhao: ke' ru ngad: ru sagse: ngad: li" nae"- ga: tau" ra".

Mao"So wa yao: re- dajhid' re: date' li" ni" khyid zhaung: khyad' pye' wa,- pe"mung:ga"re nao wa gyang" lho" ra" myid gaung mae ye; jo; ra".

Ailao" ASANG wa- Egutu mung" mae nga" byumyu" qe khoqhi" xo sho' yhin" ru qhug' na ko" rure ngo myao va". Yao: bam qe keim" ra" jeim keim: mo; lo, mae" khyad' yu qhug' nae" qhid' mae" gyi: ngug: ra" thoe re ngo the' gyo: va". Ngo yao: bam nho: qug: khai: kham zo: rure ba: ra". Airumung: Egutu byu qe: lo, mae" yao: bam re khyad' yu nae" qhid' mae" we' Egutu mung" mae" ana" Khanan- Hiti- Amori- Perizi- Hivi- Yebusi byu qe na ko" ra" mug: khyo jhui" ye: nae" qhid' mae" ngo joe" gyo" li" ru ngad:

Aimae ASANG: mug: lagyo: dayaug wa mhin: paung" gaung: mae" myishae khug mae" yao: re li" na: qhu" byid' ra". Mhin: paung" mae myi: de; jo, ngadqere: mhin: paung" wa- manga" lo" rure Moshe myao: ra".

Nga" byu qere yao" mung"dan: khug mae" qo" jhui" thug' lo" nae" qhid' mae" ana" ngo wa nao re Egutu kho:kham pho" jhao" nhao: ke' nae"- ga: ta" ra".