Popular Bible Verses from LUKA 17

Share

Yesu wa yao: re- To" mung: lo" se,- ni" lam khug: myid wa nao re gai: shao: lo" nhao: ava"- ga: ta" ra".)

Daba na mae za: yao: wa nao re nhad' lang shad' mung:- nhad' lhang: geim" nao jhao" li" yang: ngo myid tha" va"- ga: ta" lao" wa yao" qobo re khyad' pye' byid: ca" ra"- ga: ta" ra".)

Yao: bam khyo mae lo" na: au: no gai: shao: lo" byaug ko" ra". Yao: bam mae" dayaug wa yao: gai: shao: lo" byaug va" rure ba lao"- dam: tug' lo mung:- thoe qi: we' Mao"So re caung:khin" byid'ra". Yao: wa Yesu khyid qao: khyo goe; gyo" yang: Yesu re jeju beim: so" ra"- aiyaug wa Samari byumyu" ngad: ra".

Airumung: naonhaung"wa lha" yang: na ge,- (Ni" mao:nhaung: pho" nao re shad' ngad: re- yao: re qeim wa,- yao: myid tha" lo lao" wa qobo khyad' byid: wa,.

Yesu wa- (Byu daxe zo: mao gae: gai: shao: lo" byaug vako" ra" mangad: i? Gatau gug zo" gu: khai: lo" ko" ra" i?

Asang wa yao: bam re- Naonhaung" lam khug: myid ao: shi: jid' qhi" bo gelao" re:- ce: thaung zo gae re- Agyi: we' daga" apan mae" ban" lo" mung: panglai: mae yeyaug: jo, wa,- ein: ta" gelao" thaung zo gae wa naonhaung" mho dao: re tae" gyo" li" nae".

Yao: yao" kao so' re khyad' yu nug: ra" yaug khag' ngadqere: kao so' jeim: nae"- yao: yao" kao so' jeim: yaug wa kao so' khyad' yu: ru qhug' nae".

Yesu wa yao" mho"zo: qere- Byu re nhag' lam: tha" lang: nhao: ra" ja: jham wa khonhae" re: boe" zai ngad: ra"- ngadqere: aijham re boe" nhao: ra" yaug wa byuxa: vaqoe, qhug' ra". Ce: ngai: ra" mo, mae" dayaug re nhag' lam: tha" lang: nhao yaug wa yao" lang zang: mae laug lhang taui" lhao: mung: panglai: khug khyo pye' zaui: pye' qhug' ru wa yao" qhid' mae" je: gai: ra".

Noa ban: pyad mae boe" ru we' dakhyo:- Byu: Yao: Zo: joe" li" nae" ba na mae re: airu: boe" nae". Noa wa qid sang pho khug khyo vao lo" mung: daqid shi" li" yang: alhab' mo, nab: shid: lo" ra" ba na joe" sho' xao su byu qe wa zo: zo: shaug' shaug' myi:byid:- myi:yu mung:- na: ako".