Popular Bible Verses from LUKA 23

Share

Yesu wa- Pho" we"- yao: bam re qobo khyad' byid: wa,- yao: bam wa yao: bam yao: pe" kad' na: rure maba ko" ngad: ra"- ga: ta" ra". Yao: bam wa Yesu mai bau: jham re pha" ce' khyo" yang: yao: cao: jho" gae: yu: ako".

Yesu wa yao: re- Nao re ngo dang za: ta" li"- ana" ba yao: nao wa ngo we' daga" Pharadisu mae qhug' na: li" nae"- ga: ta" ra".

Amung: yao: wa Yesu re- Yesu we" Nao kho:kham khyo" joe" li" lao"- ngore myid: beim: la, wo"- ga: ta" ra".

Alao" Yesu wa Pho" we"- nga" byo ni" lo, mae ab byid' ra"- ga: thoe qi: we' hug' ta" mung:- kao gyo" lo" ra".

Yao: bam wa Au: Gao: Gye,- ga" ra" jo, qo khyo joe" ye: lao"- Yesu we' qobo shad' lhoe" ra" byu shid' yaug re- Yesu lo, yo shad' mae dayaug lo, kaung: shad' mae dayaug pyao: zang mae jin" te' ako".

Na" gaung daxe: shid' yo, qug ko ngad: au: mae"- myi" thao sam yo, qug joe" sho' ba zho: ru thang: lo" mung:- no, sang: kyid mug: cad' cad' lo" byaug: ra". Caung:pa" Yham mae" qe, kyo pin: lung: re:- shid' gao go; lo" byaug; ra".

Airu: boe" rure gyezo: dayo eib: ra" gyezug: pho" myao lao"- ceyaug wa gaigai: yao: byugai dayaug ngad nhaung wo"- ga: ta" mung:- Mao"So re caung:khin" byid' ra".