Popular Bible Verses from LUKA 8

Share

Myid gai dao mae gyo" lo" ra" myug: shi: jham wa ai: mungdao: re gyo" yu mung: gai: ru we' phug' cao" ra" nhag' lam: khug mae tang tang zaui" zag: ci yang: ashi: zaui"ra" mo, ngad: ako".

Zau: bye, gyo: mae gyo" lo" ko" ra" myug: shi: jham wa ai: mungdao: re gyo" yu gengadqere: myid: qug: myid: ci" ru- jo,nho" qo" nug: ru- cepyad mae pyo: nug: ru jham: yang hab' pye' mung: ashi: lho" mazaui" ra" mo, ngad: ako".

Laug qan" myid dao mae gyo" lo" ko" ra" myug: shi: jham wa mungdao: re gyo" yu ge we' ngaui bau: za: khae: yu gengadqere:- agyi: no, sho' macin" ruyang dayo, daban: za: lam khug mung: jham" qu" ru thaung" qhug' lo lao"- dam: phaug' lo" ra" mo, ngad: ako".

Alao" Yesu wa mho"zo: qere Naonhaung" lam khug: myid wa khotau mae i? ga: ta" ra". Yao: bam kam" wa mug' ru we' gyaug mung:- ceyaug wa khag' ngad: i? La we' bang: lhung" re lhao"- yao: amyin" byid: mung: yao" mho dao: gyo" ako"- ga: yao: cao: jho" ta" ako".

Khyodang mae gyo" lo" ko" ra" myug: shi: jham wa ai: mungdao: re gyo" yu gengadqere:- lam" mung: khyad' yu: ru maqhug' genae" qhid' mae" Satan wa li" mung: yao: bam: nhag' lam: khug mae" mungdao: re li" yu: pye' byid' ra" mo, ngad: ako".

Nyham" to" ra" ja: pe" ngadqere: myao: thug' li" nae"- amung: nghoe' to" ra" ja: pe" ngadqere: de: de: za: myao: thug' li" nae".

Ai: myiqe: wa yao: kad' rure beim: va" ra"- ga" rure ba: qu" lao"- yao: wa ko, ko, nin" ru we' Yesu khyid qao: mae li" goe, mung:- yao: pe"mung: Yesu re tin" ra" khyo we' ailao" jao"- yao" no khoru: gai: lo" byaug: ra" khyo re mo, byu qe alhab' mo; qhid' kheim: mae Yesu re ta" kyo" ra". Yesu wa ai: myiqe: re- Nga" myiqe: zo: we"- ni" lam khug: myid wa nao re gai byid' ava"- Yaug yo za: lo" se,- ga: ta" ra".

Mho"zo: qe wa Yesu re yenhug' mung:- Asang we" Asang we"- ngonhaung" jeim" lo" na va"- ga: ta" ako". Alao" Yesu wa to" li" mung: ai: la we' bang: lhung" re qeim: ke' ra"- La we' bang: lhung" wa yo za: tae" lo" byaug mung:- gyai qi: sho' yo: byaug: ra".