Popular Bible Verses from Sawltak 1

Share

Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

Zeisu in, “Pa in ama ukna-ah a koihsa a hun ahi zongin, a ni ahi zongin na theih nadingun thu a om kei hi.

Tua sawltakte tawh a omkhawm lai takin, Jerusalem khuapi panin paikhia loin, “Keimah kiangah na zaksa uh Pa’ kamciamna letsong na ngak un. Bang hang hiam na cih uh leh, Johan in tui sungah hong baptaiz hi. Ahih hangin a sawt loin note in Kha Siangtho sungah na kibaptaiz ding uh hi,” a ci hi.

Tua Zeisu in gimna a thuak khit ciangin amau kiangah ni sawmli tawntung kilangin, hihna tampi tawh a nungta taktak ahihna lak a, Pasian’ Gam thu a hilh hi.

Tua thu a gen khit ciangin sawltakte in a et lai takun, Zeisu vantung lamah kilato a, amau in a muh loh nadingun meii khat in a liah hi.

Zeisu a paito amaute in vantungah a et cian lai takun, mi nih in puanpaak silhin amau kiangah dingin, “Galile mite aw, bang hangin vantung lam ento na hi uh hiam? Note kiang pan vantungah a kilato Zeisu in vantungah a pai na muh uh bangin khatvei hong kumsuk kik ding hi,” a ci uh hi.