Popular Bible Verses from Piancilna 32

Share

Tua ciangin amah in, “Na min Jakob kici nawn loin Israel kici ding hi, bang hang hiam cih leh Pasian leh mite tawh na kilai khin a, na zo hi,” ci hi.

Tua ciangin amah in, “Khuavak ta ahih ciangin hong khah in,” ci hi. Ahih hangin Jakob in, “Kei thupha nong piak kei leh kong khah kei ding hi,” ci hi.

Jakob amah guak bek om lai hi; zingsang khuavak dong mi khat in amah lai hi.

Tua ahih ciangin Jakob in tua mun Peniel ci-in phuak hi, “Bang hang hiam cih leh maitang kituahin Pasian ka mu khin a, ahi zongin kei hong kihing khawi lai hi,” ci hi.

Tua mipa in Jakob a zawh lohna a muh ciangin amah in a khelkom sung suksak hi; tua banga amah tawh a kilaina-in Jakob’ khelguh kilawi hi.

Amah in ama' kiangah, “Na min bang ahi hiam?” ci hi. Amah in, “Jakob,” ci hi.

Tua ciangin Jakob in amah dongin, “Na min hong gen in, hong thum ing,” ci hi. Ahih hangin amah in, “Bang hanga ka min hong dong na hi hiam?” ci hi. Tua lai-ah amah in thupha pia hi.

Keimah in na itna kip khempeuh lak pan a neu pen leh na nasempa' tunga nong lahsa na thumannate khempeuh tawh ka kilawm kei hi, bang hang hiam cih leh ka ciangkhut guak tawh hih Jordan ka kantan hi; tu-in pawl nih ka cing khin ta hi.

Tua ahih ciangin tu ni dongin Israel mite in khelkom tunga a om khel thagui ne lo uh hi, bang hang hiam cih leh amah in Jakob’ khelkom, a khel thagui tung a sukna hang ahi hi.

Jakob in, “Ka pa Abraham’ Pasian leh ka pa Isaak’ Pasian, keimah' kiangah, ‘Na gam leh na behte' kiangah ciahkik in, nang' tungah hoihna kong bawl ding hi,’ hong ci TOPA aw

Ka sanggampa Esau’ khut sung pan, kei hong khahkhia in, kong thum hi, bang hang hiam cih leh amah hong pai-in kei leh, nute, naupangte tawh hong thah khit khak ding ka lau hi.