Popular Bible Verses from Johan 17

Share

Thuman thutak tawh amaute na siangthosakin. Nangma thu in thuman thutak ahi hi.

Amaute in nang Pasian taktak khat bek leh na sawlpa Zeisu Khazih a theihna un nuntak tawntungna ahi hi.

“Hih mite ading bekin thu kong ngen kei hi. Amaute’ thuhilhna hangin kei hong um mite adingin zong thu kong ngen hi. Nang in kei nong sawl cih leitung mite in a up nadingun Pa aw, keima sungah na om a, kei in nangma sungah ka om bangin, amaute zong eimau sungah om-in pumkhat a suah nadingun thu kong ngen hi.

Amaute leitung pan na lakhia in ci-in thu kong ngen kei hi. Gilopa tawh a kipelh nadingun amaute na kep nadingin thu kong ngen hi.

Eite in pumkhat i hih bangin, keimah in amaute sungah ka om a, nang keima sungah na om bangin, amaute pumkhat suak uh a, pumkhat a kicin’ nadingin nang in kei nong sawl a, keimah nong it bangin amaute na it cih leitung mite in a theih nadingun, nong piaksa minthan’na amaute kiangah ka pia zo hi.”