Popular Bible Verses from Luka 14

Share

Amah kihei a, “Kei kiangah hong pai nuamte in a nute, a pate, a zite, a tate, a sanggampate, a sanggamnute ahi zongin, tua tham loin ama nuntakna nangawn a muhdah kei leh, keima nungzui a suak zo kei ding hi.

A singlamteh pua a, ka nung hong zui lote in keima nungzui a suak zo kei ding hi.

Bang hang hiam na cih uh leh, ama pumpi a phat mi khempeuh in niamkhiatna a ngah ding uh hi. A kiniamkhiat mi in minphatna a ngah ding uh hi,” a ci hi.

Tua mah bangin note lakah mi khatpeuh in a neihsa khempeuh a nusiat kei leh, ka nungzui a suak zo kei ding hi.”

Bang hang hiam na cih uh leh, mi khat in inn sangpi a lam nop leh, a zawhzawh nading dangka a nei hiam ci-in a masa-in tu-in, a sim phot lo note lakah kua om ahi hiam? Ahih kei leh, a khuam a phuh khit ciangin, inn a zop zawh kei leh, a mu mi khempeuh in “Hih pa in inn lam ding a kipat khit ciangin a zom zo kei hi,’ ci-in amah a ko ding uh hi.

Pawi na kham ciangin mizawngte, mipoite, khebaite leh mittawte na sam in. Amaute in nang hong thukkik nading bangmah nei lo uh ahih ciangin, thupha na ngah ding hi. Bang hang hiam na cih uh leh, midikte’ thawhkik ni ciangin nang hong kithukkik ding hi,” a ci hi.

“Tua ahih ciangin ci apha hi. Ahih hangin a alna a man’ leh, bangci a al kik ding hiam? Lei ading ahi zongin, eekkholna ading ahi zongin apha kei hi. Mite in pua lamah a paikhia uh hi. Zak nading bil a nei teng in na za ta un!” a ci hi.