Popular Bible Verses from Luka 8

Share

Lei hoih ah a kiate in, thuman leh apha lungsim tawh thu a zak khit uh ciangin keem uh a, lungkipin a gahte ahi uh hi.”

Ling lakah a kiate in, thu a zak khit uh ciangin amau deihna bang zui-in, lunghihmawhna, sum hauhna leh leitung lungdamnate in dep gawp a, gah a gah lote ahi uh hi.

Suang lakah a kiate in, thu a zak ciangin lungdamin a mang pahte ahi uh hi. Amaute in zung kip nei lo uh a, tawlkhat kikal a up uh hangin khemna a thuak uh ciangin a tawp kik uh hi.

Zeisu in, “Na upna uh koi-ah om hiam?” ci-in a dong hi. Amaute lau uh ahih ciangin, lamdang a sa uh a, “Hih mi in kua mi ahi hiam? Huih leh tui nangawn thu a piak ciangin a ngai tazen uh hi,” ci-in khat leh khat a kikum uh hi.

Lampi geiah a kiate in, thu a zak khit uh ciangin thu um uh a, gupna a ngah loh nadingun, dawimangpa hong pai-in, a sinsung uh pan thu a lakkhiatte ahi uh hi.

Bang hang hiam na cih uh leh, a kipholaak lo ding thusim bangmah om lo hi. Khuavak in taan’ in, a kithei lo dinga a kiseelsim thei bangmah om lo hi.

Numei in amah bu zo lo ci-in a theih ciangin, liingin hong pai a, Zeisu mai-ah bokin, bang hangin Zeisu lawnga thakhatin bangci damna a ngah pah thu, mi khempeuh mai-ah a gen hi. Zeisu in, “Ka tanu aw, na upna in nang hong damsak zo hi. Nuam takin na ciah in,” a ci hi.

Zeisu kiangah pai uh a, “Topa, Topa aw, kote ka si dek tak uh hi,” ci-in a phong uh hi. Zeisu tho a, huihpi leh tui kilok a taai khit ciangin khawlin, a dai hi.