Popular Bible Verses from San Juan 8

Share

Chi je̱'e̱ Jesús je̱'e̱ ja'ay ja'adu'ook mu̶gápxnu̶ba, nu̶maaygyu̶xy: —U̶u̶ch je̱'e̱ tu̶y'ajt nmu̶u̶d ma je̱'e̱ naaxwiiñjya'ayu̶ñ; du'un u̶u̶ch neby tu'ug je̱'e̱ ju̶u̶n mu̶dyiibu̶ je̱'e̱ naaxwiiñjya'ay kudu̶kxp kujajpu̶ñ, pu̶n u̶u̶ch je̱'e̱ n'ayuuk ndu̶y'ajt xymyu̶bu̶jku̶byu̶ñ, pyaadu̶py je̱'e̱ tu̶y'ajtu̶ñ mu̶dyiibu̶ je̱'e̱ jugy'ajtu̶ñ wiinu̶u̶xu̶u̶bu̶ ye̱jkpu̶ñ, y nimu̶naa je̱'e̱ agootztuuby kya'ayajpaadu̶ch.

y mnejwu̶u̶ygyu̶xu̶ch je̱'e̱ tu̶y'ajt y je̱'e̱ tu̶y'ajt xyaj'awa'adzpu̶dzu̶u̶mgu̶xu̶p.

Chi je̱'e̱ Jesús nu̶maay je̱'e̱ judío ja'ay ajku̶xy je̱'e̱ mu̶dyiibu̶ je̱'e̱ y'ayuuk tyu̶y'ajt najty tu̶ myu̶bu̶jkku̶xu̶ ajku̶xy: —Pu̶nu̶ xymyu̶bu̶jku̶byu̶ch je̱'e̱ n'ayuuk ndu̶y'ajt ajku̶xy y pu̶nu̶ ka'p nimu̶naa m'u̶xmajtzku̶xy, mu̶'it u̶u̶ch miich jaanch ndiscípulos'ajtku̶xu̶ch

Y du'unu̶tz, pu̶nu̶ xyaj'awa'adzpu̶dzu̶u̶mgu̶xp je̱'e̱ Dios y'Ung, mu̶'it miich du'un jaanch m'awa'adzpu̶dzu̶u̶mgu̶xu̶ch.

Je̱' ko yajtu̶u̶'adu̶u̶tzku̶xypy najty, chi je̱'e̱ Jesús tyu̶naayu̶'ky y ñu̶maayu̶ ajku̶xy: —Pu̶n ka'p pyokymyu̶u̶d kyu̶dyeeymyu̶u̶du̶ch ma miich ajku̶xyu̶ñ, wan je̱'e̱ tzaa konu̶'u̶gy y ka'adzu̶ch jayu̶jp adayaaba to'oxyu̶jk.

Chi je̱'e̱ Jesús ñu̶maayu̶gu̶xy: —Janch tu̶y'ajtu̶ñ du'un nnu̶maaygyu̶xy ko ku̶xyu̶ pu̶njaty pokytyuungu̶xpu̶ñ, je̱'e̱ ju̶bu̶kpu̶ je̱'e̱ ane̱'e̱mu̶gu̶xp.

chi wya'kkugu̶u̶y y yajtu̶u̶y: —To'oxyu̶jk, ¿maaju̶tz je̱'e̱ ja'ay ajku̶xy mu̶dyiibu̶ tu̶ xyu̶'u̶gu̶xyu̶ñ? ¿Ka'p ni pu̶n tu̶ xychaachtyúñ mu̶u̶d je̱'e̱ mboky? Chi je̱'e̱ to'oxyu̶jk y'adzooy: —Ka'p ni pu̶n, Windzú̶n. Chi je̱'e̱ Jesús je̱'e̱ to'oxyu̶jk nu̶maay: —Ni u̶u̶ch miich nga'atzaachtyúnu̶ch mu̶u̶d je̱'e̱ mboky; nu̶kxnu̶ y ka'p m'okpokytyuunu̶ch.]