Popular Bible Verses from San Lucas 13

Share

—Joottu̶gooygyu̶x neby mdu̶gu̶u̶ygyu̶xu̶chu̶ñ ma je̱'e̱ tu̶jk'aa xu'utzpu̶ju̶ñ. Je̱' ko u̶u̶ch miich du'un nnu̶maaygyu̶xypy ko oy je̱'e̱ mayjya'ay naty jya'atu̶gu̶'u̶waangu̶xy ma je̱'e̱ Dios y'ane'emyu̶ñ, y ka'p jadu̶ch ajku̶xy neby tyu̶gu̶u̶ygyu̶xu̶chu̶ñ.

Y jim najty to'oxyu̶jk tu'ug, je̱' najty je̱'e̱ kujk pya'am'ijtnu̶ mu̶majmokxtu̶gu̶u̶g jumu̶jt. Janch ju̶u̶ku'uxy najty je̱'e̱ ju̶bu̶k pojpa'am tu̶ tyuñyii, y nineby'eemby mu̶baad kya'atu̶naaygyugu̶'u̶y. Ko je̱'e̱ Jesús du'un ijxy, chi yaaxu̶ y nu̶maay: —To'oxyu̶jk, tu̶ mdzo'ogy.

Mu̶'it je̱'e̱ kyu̶'u̶ yujkxajy ma je̱'e̱ to'oxyu̶jk jyu̶u̶xku̶ñ, y chi je̱'e̱ to'oxyu̶jk jyu̶u̶xk mu̶k'eemby tyu̶u̶y, y chi je̱'e̱ Dios o'owu̶dajttu̶gu̶u̶y.

Paady jii je̱'e̱ ja'ay cham nije̱' ajku̶xy, je̱'e̱ mu̶dyiibu̶ u̶x'aam'ajtku̶xpu̶ñ, y je̱' jayu̶jp'ádu̶p ajku̶xy, y nan jii je̱'e̱ ja'ay cham nije̱' ajku̶xy, je̱'e̱ mu̶dyiibu̶ jayu̶jp'ajtku̶xpu̶ñ, y je̱' u̶x'aam'ádu̶p ajku̶xy.

Ko je̱'e̱ kudu̶jk pyu̶du̶'u̶gu̶ch y yaj'adugu̶ch je̱'e̱ tyu̶jk, mu̶'it miich ajku̶xy pu̶njaty naty tu̶ba'ay tu̶ wyu̶'u̶myu̶ñ, chi jiiby tu̶ba'ay mja'amu̶naangu̶xu̶ch: ‘Windzú̶n ok'yaj'awa'adz yu̶'u̶ mdu̶jk.’ Y chi je̱'e̱ kudu̶jk xy'adzowu̶ch ajku̶xy: ‘Ka'p u̶u̶ch miich n'ixy'ajtku̶xy maa mdzóngu̶xyu̶ñ.’

U̶u̶ch miich nnu̶maaygyu̶xypy ko kya'abu̶ch. Y pu̶nu̶ ka'p mjootwimbijtku̶xy ma je̱'e̱ Diosu̶ñ, nan nigu̶xyu̶ nandu'un mgu̶jxta'awu̶ch mgu'udu̶gooydya'awu̶ch ajku̶xy du'un neby je̱' ajku̶xyu̶ñ.”

Y chi je̱'e̱ kudu̶jk xy'adzoogu̶xu̶ch: ‘Tu̶ u̶u̶ch miich nnu̶maaygyu̶xy ko u̶u̶ch ka'p nnejwu̶'u̶y maa miich mdzóngu̶xyu̶ñ. ¡Winwa'ktuutku̶ch ajku̶xy, miich pokytyuumbu̶ ajku̶xy’!

Nandu'un je̱'e̱ Jesús myu̶naañ: “¿Nej m'ok'a'ixu̶u̶ygyu̶xy je̱'e̱ Dios y'ane̱'e̱mu̶ñ? ¿Y ti u̶u̶ch mu̶baad mu̶u̶d n'okyajkipxyxu̶'u̶wu̶ch? Je̱'e̱ Dios y'ane̱'e̱mu̶ñ du'un je̱' neby je̱'e̱ mostazu̶ pajk mu̶dyiibu̶ je̱'e̱ ja'ay tu'ug ñiipy ma je̱'e̱ kyamu̶ñ, chi yeegy neby je̱'e̱ mu̶jkepyu̶ñ, y chi je̱'e̱ joon muuxy jim pye̱'e̱ngu̶xy y'amaagu̶xy ma je̱'e̱ y'aakxu̶ñ.”