Popular Bible Verses from San Lucas 5

Share

Ko myu̶dyaaktaay, chi je̱'e̱ Jesús Simón nu̶maay: —Yajnú̶kx yu̶'u̶ mbarco mejykyujk y pu̶daakku̶x je̱'e̱ mgu'uju̶bijptzaay mejyjyooty neby je̱'e̱ akx mu̶baad mmajtzku̶xyu̶ñ.

Chi je̱'e̱ Simón y'adzooy: —Windzú̶n, tu̶ u̶u̶ch tu'ktzumdu̶góy nja'atuungu̶xy, y ni tii u̶u̶ch tu̶ nga'apaatku̶xy. Peru̶ je̱' ko miich yam du'un mu̶naamb n'okpu̶da'agyu̶ch je̱'e̱ ku'uju̶bijptzaay mejyjyooty. Ko je̱'e̱ kyu'uju̶bijptzaay pu̶daaky ajku̶xy mejyjyooty, chi janch may'akx yajku'u'adujky ajku̶xy, u̶xtu̶ kú̶tznu̶py najty je̱'e̱ kyu'uju̶bijptzaay ajku̶xy mu̶u̶d je̱'e̱ may'akx.

Peru̶ je̱'e̱ Jesús kyu'ugueekypy najty je̱'e̱ mayjya'ay, ñu̶kxy najty Dios o'owu̶dajtpu̶ adu'ugtuum.

U̶u̶ch ka'p u̶u̶ch je̱' tu̶ nnimiñ je̱'e̱ ja'ay mu̶dyiibu̶ ka'p pyokymyu̶u̶du̶chu̶ñ ajku̶xy. Je̱'e̱ pokyjya'ay u̶u̶ch tu̶ nnimiñ ko wan jootwimbijttaaygyu̶xy ma je̱'e̱ Diosu̶ñ.

Ko je̱'e̱ Simón Pedro adaa du'un ijxy, chi ñayñajtzkojxtu̶na'awu̶u̶yu̶ ma je̱'e̱ Jesús wyinduuyu̶ñ, y nu̶maay: —¡Winwa'ktuutku̶ch, Windzú̶n, je̱' ko u̶u̶ch nbokyjya'ayu̶ch!

Chi je̱'e̱ Jesús y'adzoowu̶ ajku̶xy: —Mu̶dyiibu̶ oy'ajtp mu̶k'ajtp y mu̶dyiibu̶ ka'p pyu̶gyii y'ixyii ajku̶xy, ka'p tzooydyuumbu̶ je̱'e̱ yajmayjyajtku̶xy. Je̱'e̱ju̶tz tu̶y je̱'e̱ mu̶dyiibu̶ pu̶jku̶p ijxu̶bu̶ñ ajku̶xy, yajmayjyajtku̶xypy tzooydyuumbu̶ je̱'.

Ko je̱'e̱ barco yajmejypyu̶dzu̶u̶my ajku̶xy, chi ku̶xyu̶ u̶xmajtztaay ku'ugue̱e̱ktaaygyu̶xy y panu̶kxy je̱'e̱ Jesús ajku̶xy.

Chi du'un jyajtu̶ ko najty je̱'e̱ Jesús jim yajpaady ma tu'ug kajptu̶ñ, ko je̱'e̱ ja'ay tu'ug ñimiinu̶ mu̶dyiibu̶ najty ju̶bu̶k pu'udzpa'ammu̶u̶d. Ko je̱'e̱ pa'amja'ay ijxy je̱'e̱ Jesús, chi ñayñajtzkojxtu̶na'awu̶u̶yu̶ ñaax'ijxy ma je̱'e̱ Jesús wyinduuyu̶ñ y mu̶nukxtaaky, y nu̶maay: —Windzú̶n, pu̶nu̶ mdzojkypy, mu̶baad u̶u̶ch xyajtzo'ogy. Chi je̱'e̱ Jesús ni'idooñ je̱'e̱ pa'amja'ay, nu̶maay: —Ndzojkypyu̶ch. ¡Cham nyajtzo'ogy! Mu̶k'eemby je̱'e̱ pa'amja'ay jyu̶bu̶kpu'udz chooky.

Je̱'e̱ Jesús kyapxy myu̶dya'agy ni'igyu̶ najty je̱'e̱ wya'kx'adu̶'u̶ch, y janch mayjya'ay najty y'oknaymyujku̶gu̶xnu̶; jim najty nije̱' pu̶n je̱'e̱ ayuuk amdo'idaangu̶xpu̶ñ y nan jim najty nije̱' pu̶n tzo'ogaangu̶xpu̶ñ.