Popular Bible Verses from San Lucas 9

Share

Chi je̱'e̱ Jesús ja'ay nigu̶xyu̶ nu̶maay: —Pu̶nu̶ jii u̶u̶ch pu̶n xypyanu̶kxa'añ, wan je̱'e̱ kyu̶'u̶mdzojku̶ñ ja'aydyu̶gooydya'ay, y wan u̶u̶ch xypyanu̶kxy, oy nej jyat y'abé̱du̶ch du'un neby je̱'e̱ mgruutz nu̶wu̶'u̶y mgabu̶'kku̶xyu̶ñ jaboom jaboom y xypyanú̶kxku̶xu̶chu̶ch.

Wan pu̶nja'ayu̶ch mu̶dyiibu̶ je̱'e̱ jyugy'ajtu̶ñ ka'p ye̱ga'añ ma je̱'e̱ o'ku̶ñ ke̱e̱ku̶ñ, yajtu̶goyeemby jyugy'ajtu̶ñ je̱'; peru̶ je̱'e̱ mu̶dyiibu̶ je̱'e̱ jyugy'ajtu̶ñ ye̱jkpu̶ñ ma je̱'e̱ o'ku̶ñ ke̱e̱ku̶ñ mu̶u̶d u̶u̶ch kyu̶xpu̶, pyade̱e̱mby jyugy'ajtu̶ñ je̱'.

Chi je̱'e̱ Jesús y'adzoowu̶: —Pu̶njaty wyinma'añ tu̶ pu̶da'agy ko je̱'e̱ Dios tyuung tunaanu̶, ka'p je̱'e̱ tuung mu̶baad u̶xmach. Du'un neby je̱'e̱ ja'ay tu'ug naaxju̶dzijtzpu̶ tu̶ tyu̶gu̶'u̶yu̶ñ mu̶u̶d je̱'e̱ tyuumbe̱jt, y ka'p mu̶baad y'ijxwimbíty, je̱' ko je̱'e̱ tyuumbe̱jt wiingtuum ñu̶kxu̶'u̶wu̶ch. Y du'unu̶tz je̱'e̱ du'umbu̶ ja'ay ka'p je̱'e̱ mu̶baad tyu̶gu̶'u̶y ma je̱'e̱ Dios y'ane̱'e̱mdaaktu̶ñ.

¿Ti oy'ajtu̶ñ je̱'e̱ ja'ay du'un y'okpaatypy, pu̶nu̶ tu̶ ku̶xyu̶ paady je̱'e̱ kuwit'ajt kumeeñ'ajtu̶ñ ya naaxwiiñ, y ka'p je̱'e̱ y'aanu̶mu̶ yajni'idzo'ogy o ñayyajtu̶goyii ku̶'u̶m?

Pu̶nu̶ jii u̶u̶ch pu̶n xymyu̶dzo'oydyúñ y nan pu̶nu̶ xymyu̶dzo'oydyuunu̶byu̶ch je̱'e̱ n'ayuuk ndu̶y'ajt, nan nmu̶dzo'oydyunu̶byu̶ch je̱' ajku̶xy, u̶u̶ch je̱' je̱'e̱ ja'ay mu̶dyiibu̶ tzon tzajpjooty ko u̶u̶ch naty nwimbity ya naaxwiiñ mu̶u̶d u̶u̶ch je̱'e̱ n'oy'ajt y nmu̶k'ajtu̶ñ y mu̶u̶d u̶u̶ch je̱'e̱ nDeedy y'oy'ajt y myu̶k'ajtu̶ñ, y mu̶u̶d u̶u̶ch je̱'e̱ n'ángelestu̶jk y'oy'ajt y myu̶k'ajtu̶ñ ajku̶xy mu̶dyiibu̶ je̱'e̱ jyoot wyinma'añ wa'adzu̶ñ ajku̶xy.

Chi je̱'e̱ Jesús y'adzoowu̶: —Je̱'e̱ waaxkaa myu̶u̶d jyut je̱'e̱ ajku̶xy y je̱'e̱ joon muuxy myu̶u̶d pye'eñ je̱'e̱ ajku̶xy, peru̶ u̶u̶ch je̱' je̱'e̱ ja'ay mu̶dyiibu̶ tzon tzajpjooty ka'p u̶u̶ch nmu̶u̶du̶ch ni maa u̶u̶ch je̱'e̱ ngu'ubajk je'eyu̶ nyujkónu̶chu̶ñ.

Y chi ñu̶maayu̶ ajku̶xy: —Pu̶n adaa pi'k'ana'k ku'ubu̶jkpu̶ñ mu̶u̶d u̶u̶ch kyu̶xpu̶ nxu̶u̶, u̶u̶ch naty je̱'e̱ du'un xykyu'ubu̶jkp; y pu̶n u̶u̶ch xykyu'ubu̶jkpu̶ñ nan kyu'ubu̶jkypy naty je̱'e̱ nandu'un je̱'e̱ mu̶dyiibu̶ u̶u̶ch yaa naaxwiiñ xykye̱jxu̶ñ. Paady je̱'e̱ mu̶dyiibu̶ ni'igyu̶ jakmutzk ma miich nigu̶xyu̶ ajku̶xyu̶ñ je̱' ni'igyu̶ jakmu̶j.