Popular Bible Verses from Bwób Zitül 49

Share

Kingan ne arüng bidame, sab oyakagab kokean aupe, kingan tupuru sab metat oya tangdó yarile, kókó wa sab tame, kingan arüng noakame; Blaman pamkolpama sab oya bóktan arrkrru kwarile.

“Zosep wa küppükü syeporzana arób kabedó. Oya syepor soloa gri malmandasko. Gazirr pama tibiób bügür kyabe gazirrüm ngürsilpükü togobórr. I bügür numrrutóp kyab amanóm oyaka, oya alzizi amanikdi.

A oya bügür kyaba pam dümdüm amanine, akó Zeikobón Arüng Goda oya tang nis arüng nókyene, oya ngabkan pam nótóke, ingülküpzan nótóke Zeikobón adlangóm. Marü aban God marü sab tangmamtine. Ene Wirrian Arüng God marü sab bles mine, wa sab kwitüdügabi marü ngupi bles mine, wa marü tüpdügabi ne naea tótókda, we klame bles mine, akó wa marü abün olmale bles mine, akó abün ngabyón lare.

“Zuda, marü zonaretala sab marü magürnórre. Ma sab ibü gepko nómóngnónómo, mankü nidi bókrrale. Marü zonaretala sab marüka wakósingül amgünórre. Zuda, kürü olom, ma ⌊laeon⌋ kupozanla; su we elóngórró, da we bupadórró, moba pepesdó we alkomórró. Wa siman laeona, wa wapór tang barrngumilda tüpdü utüdi. Wa wata óp laeonzana, gum-koke nótóka arsümülüm?

“Rruben, ma kürü ngaen olomla, ma kürü arüngla. Ka ngaen-gógópan marü mulngumilürrü, ka wirri pam nóma bairrü. Ma wirri ngi pamla ó marü arüng wirria blaman zoretaldógab. Naiz naeazan busoda, ma inzan ngürsil pamla. Ma sab amkoman wirri pam koke namulo, zitülkus ma kürü darrü kolpükü umtulürrü, ó ma kürü ut marrgu ⌊tóman⌋ alópórró.