Popular Bible Verses from Luk 4

Share

“Jojabeeda Asisi Kakara andava asugetueta vitere. Anada bee mo, makasi enembodava Gaga taubana rari-du amó ninengetue. Enembo bunditurieta vitia-nu vuregari-du, kotú enembo dibe soikidenu rata, dibe fangea, kambesi gia tanana ari-du retueta, refere. Kotú, enembo númanda kokotofumi jo tavo ambi rousua-nu sonembota jebugari-du refere. Kotú God ená ghaekova unda jebuga irugaita rouvia-da gaganu rata, isagha ari-du retueta refere.”

Aghá ririeta, Iesu mino eghá ririe, “God da Gagava eghá reirie: ‘Nímanda Jojabee God nuenembo tumogha baĩ egege! Kotú unda uno nuenembo egege!’”

Aghá ririeta, Iesu mino eghá ririe, “God amindu Gaga eghá ririeta, gefirie: Enembo jo undarimi jebuga bee tambua bambi aita rouvie,”

Asisi Kakarami Iesu dava asugea, umó unumbea, uvu Jordan doa, enembo irambi kotú uvu tefo kambesiva arie.

Satan aghá ririeta ningia, eghá ririe, “Aná rera gaa bee re, avotago God da Gaga einiva eghá reirie: ‘Mania nímanda Jojabee God kuvia gigigata!’”

Avore, Satan umó Iesu kuvirota jurota, gaita uria, jo inono ambi re. Aghá uria-du, Satan fefera tufoko Iesu doa seriguturie.

Iesu aghá ririeta, Satan umó unumbea bua aria, kambesi iti beeva jiria, roo enda nanjogo endava vitia-nu irugutueta gerurie. Gerueta, Satan eghá ririe, “God unda ingo sokinembuturieta, ená enda dano anona rururere. Enembo avona uno adua mo, anona rata endada kotofuko ea, iraita rouvie. Kotú ená endava kambesi nanjogoda anode, kotú gugua-ghayafade dano utaitare. Amindu, andú tumogha baĩ adora, ená endada durogha rei-gerora, indú utota baita roravore.” Aghá ririeta, Iesu mino eghá ririe, “God da Gagava eghá reirie: ‘Nímanda Jojabee God nuenembo tumogha baĩ egege! Kotú unda uno nuenembo egege!’”

Aghá ririeta, Satan na Iesu unumbea bua aria, bogu naa Jerusalem bubua aria, God du Tafaroro Ari Kambo* fouva vitia, iti beeva jiria, Iesu du eghá ririe, “Imó God da mendi iradora mo, God da Gaganu gaabee urota, ená kambo fouvareta jau ege, gare! Anada bee mo, God da Gaga eini eghá reirie: ‘God unda anera mane rata, imó kaifa ea goghó aita rousue.’ Kotú, God da Gaga eini eghá reirie: ‘Imó jau ea voradora mo, God na rata, anera mane númanda ingo beisi ea irirota, númanda ingova desembuturota, inda eka jo singoiva dea borambi aita roravore.’” Satan aghá ririeta ningia, eghá ririe, “Aná rera gaa bee re, avotago God da Gaga einiva eghá reirie: ‘Mania nímanda Jojabee God kuvia gigigata!’”