Popular Bible Verses from Luke 11

Share

Tauna komi toogoyoimi go, koyagoi manakaemi yabobona dedevidi natumiyao kovinidi ae? Go Tamada guma yábana todedevina, tauna neta kokawanoi Tauyana yaina, moitamo bei ivinimi.’

Ame yau alatuuwokoimi konōve: Kokawanōi Yaubada yaina, e bei ivinimi. Kaga kokiseeyeseye Yaubada yaina koolusāle, e bei kobabane. Kokaukeeyakēya, e Yaubada komi yaimi totom bei ikatupáeve.

Moitamo. Tokawanoi liliudi yaidi Yaubada ikaiguyau. Tolusala liliudi bei sibabane. Tokaukeyakeya liliudi yaidi, totom bei ikatupáeve.

E kina Yeisu idigo kana, ‘Tutayana kokawanoi, kodīgo kami, “Tamama, yoim kakimasabe. Kūma kukalibubūma.

Ima goyo neta kunuwotaōidi. Kai nakae tomota idi goyo liliudi yaima goi kanuwootaoidi. Neta taabu kutaagonēma bei vakakona goi kaakapusi.”’

Ama máliya ame manuna neta kuvinīma.

Matami moe wowomi ana rampa nakae. Neta matami sidedevina moe nakae komi tokaiguyau, e itoboinemi tomota idi mou kogitedokoidi bego kovaitedi. Neta nakae, e wowomiyadi madabokina mavada bei ivakayaodeidi. Go neta matami sigoyo, moe nakae komi tomatakónana, e geya itoboinemita kogita dókana. Neta nakae, e wowomi madabokina kokonótuya ivakayaodei.

Tuwaina Yeisu kana, ‘Geya vatau tayaamo ina rampa igabu go, aba vamóuna goi iyato o bayao goi ivatum geya, go sem ikabi rampa ana kaba yata yatana goi iyato bego tomota vada goi sisiusiu bei rampayana ina mavada sigite.