Popular Bible Verses from Luke 7

Share

Moe pasina ame alatuuwokoim kunōve: Ame vavinayana ina goyo badabadaidi, e adi nuwotao bogina ibabanedi. Moe tayagoi moitamo unana imatakoiyegu gagaina. Ago avatauwa neta idi goyo adi nuwotao giyaina, e nakae kidi simatakoiyegu giyaina.’ E tuwo Yeisu vavinayana ilatuwoko idigo kana, ‘Vavina, yau adigo im goyo ana nuwotao bogina kubabane.’

E Yeisu vavinayana ilatuwoko idigo kana, ‘Im numisa pasina am yava bogina kubabane. Mam tuboina kūna.’

ima Yeisu mlina goi go, aena kikina itaoya, itaitáiya. Itaitáiya go, mataiuna sitakapusi Yeisu aena ivakanapoivedi. Tuwo kununa ivaligei isakululu Yeisu aenayadi iseekukudi namlieta iyowoiidi. Ikavava, ina putumayana ikabi, Yeisu aena ikatukoisidi.

Moe pasina tauna geya itoboineguta yau toinigu ao yaim, go sem kom mam lovina kubobwarāmo, bei guna pakonayana iboboina. Yau nakae lovina ayagoi. Yau magu tolovinao be nakae tovayaviya maniyedi sobuyekoigu. Neta tayamo alatuwoko kagu, ‘Kūna’, bei ina. Neta tayamo alatuwoko kagu, ‘Kūma’, bei ima. Neta guna pákwana alatuwoko kagu, ‘Ame kuguinūwe’, bei iguinuwe.”’ E ame livalayadi Yeisu inovedi, ikainaopa. Tuwo itugavila, boda sisabookuliye ilatuwokoidi idigo kana, ‘Ame alatuuwokoimi konōve! nakae.’

Amo tutayana Yeisu tomota badabadaidi adi katówana be adi vísiya goi ikidedevinedi be yaidi goi ivatapiyedi be nakae tokebo ikidedevinedi sigita dókana. Tuwo idigo kana, ‘Segowo, kaga atalavaaitedi bogina konovedi be kaga aguuinuwedi bogina kogitedi. Guinuwayadi ame nakae: Tokebo sigita dókana, topem siketoiyamna, vísiya liliuna tomota sakavaidi sikavava, tauyadi taiyadi patupatudi sitaiyakeka dókana, tokámasa sitaoyamna, tookaidi sinove. Kōna moe dogoiyadi madabokidi kotalavaitēdi Iyoni yaina bei iyagoi.