Popular Bible Verses from Alukasɨ 4

Share

“Azhwi a Maʼmbyí a tsi atú me, mbɨ́ʼ ngə́ a tsɔʼ aghan ngə́ á ma yen nɨ nkən wu shiʼnɨ a mbó ɨfúm ə. A tyigɨ aghan ngə́ á ma fɨʼtɨ a mbó ngaŋ atsáŋ ngə́ bɨ mɨ nyɛʼtɨ awa, á bɨfɨgɨ bə ndze ɨdiʼ; ɨ kɨ ghɨ á bɨ nyɛʼtɨ ɨbɛn ba bɨ zhíʼnə́ awa ɨ tiʼ kɨ chwitɨ ngə́ nyom a kuʼ wa Maʼmbyí a mɨ loŋ ɨbɛn ɨbyi ɛ.”

Yeso a chwɨ́gɨ́ ngə́, “Aŋwaʼnɨ a Ŋwi a soŋ ngə́, ‹O mɨ ghuʼsɨ tsɛʼ a Maʼmbyí Ŋwi ɨgho, ɨ faʼ atsum tsɛʼ wəmbo ə!›”

Lá Yeso a chwɨ́gɨ́ ngə́, “Aŋwaʼnɨ a Ŋwi a soŋ ngə́, ‹Ka ŋwɔn mɨsɔŋ a nchyɛ̌ ayi atuəshe lá tsɛʼ mbɨ́ʼ abán ə.›”

Yeso a bə́n a Yorɨdan ndon nɨ Azhwi zə Fɛmnɨ, Azhwi a tíʼ ndɔgɨ a wɛrə ngɛn nɨ zɨ a mu mɨkɨghonɨ

Lá Yeso a chwɨ́gɨ́ ngə́, “Aŋwaʼnɨ a Ŋwi a soŋ ngə́, ‹Njimbɨʼ o kwaʼnɨ a Maʼmbyí Ŋwi ɨgho ghe.›”

Mbáʼ Dəbɨrɨ a mɛ́tɨ́nɨ́ a nkwaʼnɨ Yeso a nye mɨndóm mɨtsum lá, a nyɛ́ʼtɨ́ a wɛrə a nye abaŋ zə tsɛrə ghe.

Dəbɨrɨ a tíʼ ndɔgɨ ayi nkɔʼ ngɛn nɨ zɨ atɨ́, ntiʼ ndiʼ nɨfɔ nɨtsum nɨ atuəshe wen wəmbo tsɛʼ a nye məkum a nkfu ə. Dəbɨrɨ a tíʼ soŋ wəmbo ngə́, “Ma mɨ gha mɨtən men mɨtsum abɔʼnɨ afuʼ azhi a mbó gho, mbɨ́ʼ ngə́ bɨ kwɛnə nga a tsɛrə ɨtsum a mbó me, ma chi tiʼ kɨ gha a tsɛrə a mbó ŋwɔn tsum wa ma kɔŋnə. Be o ghuʼsɨ aghan, tsiŋ ɨtsum tiʼ ɨtso ə.” Yeso a chwɨ́gɨ́ ngə́, “Aŋwaʼnɨ a Ŋwi a soŋ ngə́, ‹O mɨ ghuʼsɨ tsɛʼ a Maʼmbyí Ŋwi ɨgho, ɨ faʼ atsum tsɛʼ wəmbo ə!›”

Dəbɨrɨ a tíʼ nkwiʼ ndɔgɨ a wɛrə ngɛn nɨ zɨ a Yerosalɛm, ndɔgɨ ayi nkɔʼ ngɛn ntɛgɨ atú a təntsánɨ́ Ndáŋwi zɨ Ngwi, ntiʼ soŋ wəmbo ngə́, “Be o be Mɔn Ŋwi, tsɔʼnɨ adiʼ wɛnə nkanɨ a tɨshe, mbɨ́ʼ ngə́, Aŋwaʼnɨ a Ŋwi a soŋ ngə́, ‹Ŋwi a mɨ tsagɨ bɨtsen bɨ ndá bɨ Ŋwi ɨbyi á bɨ lə atú a nye gho tsɛʼ ɨ shiʼnɨ ɨ shiʼnɨ ə.› A kɨ́ nkwiʼ soŋ ngə́, ‹Bo mɨ lyɛrɨsɨ agho atɨ́ atɨ́ taŋ o chi koʼ tsɛʼ mɨku ɨmo lɛm a nye ngɔʼ ə.›” Lá Yeso a chwɨ́gɨ́ ngə́, “Aŋwaʼnɨ a Ŋwi a soŋ ngə́, ‹Njimbɨʼ o kwaʼnɨ a Maʼmbyí Ŋwi ɨgho ghe.›”