Popular Bible Verses from Marɨkusɨ 16

Share

Wɛrə a sóŋ a mbó bo ngə́, “Ghɛnə a mu mbyi zen tsum, ntiʼə soŋnɨ nkən wu shiʼnɨ a mbó ngwəgɨ ŋwɔn mɨsɔŋ a ntsu tsum ə.

Bɨ ghɨ ghá mɨtən a mbó ɨbɛn ba bɨ nɨŋnɨ mɨntəm ɨma ɨwu a ngɨ ɨnu tsɨ yerɨnɨ-yerɨnɨ: bo ghɨ fɨ́gɨ́ bɨdzɨŋ nɨ ɨkum ɨghan; bo ghɨ ghamnɨ mɨgham mə fi; be bo bye mɨnyo nɨ mbó, kə ɨ no ndyíʼ, ɨ mɨ keʼ anu zə tse a nye bo ghɨə; bo ghɨ nyɔŋnɨ mbó ɨma a nye ngaŋ mɨghɔ, á bo ɨ shwétə́ ghe.”

Ŋwɔn tsum wa a nɨŋnɨ ntəm ɨyi ɨwu nkɨ nkwarɨ nkyi, bɨ ghɨ loŋ ayi ɛ, lá ŋwɔn tsum wa a sé nɨŋ ntəm ɨyi ɨwu, bɨ ghɨ tsənkɨ ayi a Njwi Nɨsáʼ ə.

Bɨyɛʼ ɨbyi tíʼ fú ngɛ́n ntíʼə sǒŋ anu a Ŋwi tsɛʼ ɨdiʼ ɨtsum, Maʼmbyí a tiʼə nkə́ fáʼə bo bo, ntiʼə nkə́ ndiʼə ngə́ anu a Ŋwi za bo kɨ́nə́ sóŋə́ a bé nkənu a ntsǎ a ndzum ɨnu tsɨ yerɨnɨ-yerɨnɨ tsa bɨ kɨ́nə́ ngɨə ghe. A be lá.

Mbáŋnɨ́ za sóŋ a mbó bo ngə́, “A keʼ awən kɨʼnə. Ma zhi ngə́ nɨ lǒ lá a Yeso ŋwɔn bə Nazarɛ, wa bɨ kɨ kwemtɨnɨ atɨ abaŋnɨ-baŋnɨ lá. Ka a be ayi ɨghə — bɨ zhwemnɨ ayi ɛ! Nɨ ze, adiʼ za bɨ kɨ nyɔŋnɨ ayi ɨwu a zɛnə.

Lá, bo léntɨ́ ndzɛ́n ngə́, ngɔʼ za mbáʼ ɨ fáŋnɨ́ tsɛʼ a nkan lá, bɨ bɨ́ŋsɨ́nə a zɛrə ngɛntɨ nɨ zɛrə a ntsu nɨshe wa. Adzaŋ za mbáʼ bo kónɨ́ a mu nɨshe na lá, bo zɛ́n mbáŋnɨ́ zɨ tsɛrə mbáʼ ɨ wə́gɨ́nɨ́ ɨtsɛʼ tsɨ fú, ɨ shiʼtɨ ntsi a bagɨ abó zə maʼə ghe. A kɨ́ʼnɨ́ awa be tɨsɨŋə.