Popular Bible Verses from Mataio 10

Share

“Kikila! Ko koutou e uga atu e au e vē lava ni māmoe ki te mea e i ei ai nā luko. Ko koutou la e tatau ke popoto e vē ko nā gata ma agamalū e vē ko nā lupe.

Ko te tino e mānumanu ki tona ola, ka hē ia mauagia; kae ko te tino e māumau tona ola ona ko au, ka maua e ia.

Ma ia koutou nahe mātataku i nā tino e tāmate e ki lātou te tino o te tagata, kae hē ki lātou mafaia oi tāmate te agaga; kae mātataku i te Atua e ia mafaia oi fakaumatia te tino fakatahi ma te agaga i te afi o kēna.

Ko te tino e hē ia amoa tona hātaulo ma mulimuli mai ki a te au, e hē aogā ia mo au.

“Auā ko nā tino e folafola e ki lātou i mua o tagata ko ki lātou e āku, ka vēnā foki oi fai e au i mua o toku Tamana i te lagi. Kae ko ai lava ia tetekea au i mua o tagata, ka vēnā foki oi teteke e au i mua o toku Tamana i te lagi.

Fakamālōlō nā tauale, toe fakatutū nā tino kua oti, fakamamā ki lātou e maua i nā tauale kino o te kili, ma tuli ki fafo nā tēmoni. Kua maua e koutou te pule e hēai he totogi, ke vēnā foki oi tuku atu e koutou ki iētahi tino, e hēai he totogi.

Koutou la nahe mātataku; e hili lele atu te tāua o koutou i te Atua i lo nā tamā manulele e lahi.

“Koutou nā vēakē ko au kua hau ke kaumai te fīlēmū ki te lalolagi. Hēai, ko au e hēki hau ke kaumai te fīlēmū, kae ko he pelu.