Popular Bible Verses from Mataio 15

Share

Kae ko nā mea e hau ki fafo mai te gutu e hau mai te loto, ma ko nā mea iēnā e hē mamā ai he tino. Auā e hau mai te loto nā manatu kino e tupu ai te tāmate tino, te mulilua, ma iētahi uiga hē taupulea; te kaihohoa, te talapepelo, ma te fai tala fakakino.

E hē ko nā mea e fano ki loto o te gutu o he tino te hē mamā ai i nā tu tau tāpuakiga; kae ko te mea e hau ki fafo mai te gutu.”

‘Kua vāgana te Atua, Ko nā tino iēnei, e viviki mai ki a te au ia lātou kupu, ka ko o lātou loto e mamao lele ma au. E hē aogā ke tāpuaki mai ki lātou ki a te au, auā e akoako e ki lātou ia tūlāfono a tagata e vēia ni Tūlāfono e āku!’ ”

Oi tali mai ai ia Iehu, “Te māfine, e aloā tō fakatuatua e lahi! Ko te mea e fofou koe ki ei, ka vēnā lava oi fai mo koe.” I te taimi lava tēnā, na mālōlō ai tana tama teine.

Oi hau ai te fafine kua tōtuli i mua o Iehu ma lea vē atu ki ei, “Te Aliki, fehoahoani mai ko ki a te au!” Ka kua tali mai ia Iehu, “E hē ko he mea tatau ke kave te meakai a tamaiti oi togi ma nā kulī.” Kua tali atu te fafine, “Io e hako te Aliki, kae e pa foki lava ki nā kulī, e kakai ki nā matutuga e malili ki lalo o te laulau a to lātou matai.”