Popular Bible Verses from Mataio 5

Share

E hēai foki he tino e ia tutua he mōlī oi tuku ai ki lalo o he tānoa; kae e tuku e ia ki luga o he tugāmōlī, te mea e māina ai ki nā tino uma i loto o te fale. Ke vēnā foki oi māina atu tau mōlī ki tagata, kae ke kitea ai e ki lātou au mea lelei e fai, ma vīkia ai te koutou Tamana i te lagi.

“Ko koutou e vē ko he mōlī mo tagata uma o te lalolagi. Ko he kakai e fau i luga o he mauga, e hē mafai ke hē kitea.

Amutia nā tino e loto mamā; auā ka kitea e ki lātou te Atua!

Amutia nā tino e fakahilihili i o lātou loto te fakatinoga o nā mea e fofou ki ei te Atua; auā ka fakamaliegia kātoatoa ki lātou e te Atua!

Kae ko au e lea atu nei ki a te koutou: alolofa ki nā tino e fai koutou ma o lātou fili, ma tatalo mo ki lātou e fakahāuā atu ki a te koutou

“Amutia nā tino e ki lātou iloa to lātou mātitiva i nā mea tau ki te Atua; auā e o ki lātou te Mālō o te lagi!

Amutia nā tino e fakatupua te fīlēmū; auā ka takua ki lātou he fānau e a te Atua!

Amutia nā tino e fakanoanoa; auā ka fakamāfanafanagia ki lātou e te Atua!

Amutia nā tino e maua i nā fakahāuāga ona e fai e ki lātou te finagalo o te Atua; auā e o ki lātou te Mālō o te lagi!

Amutia nā tino e alolofa atu ki iētahi tino; auā ka alofagia ki lātou e te Atua!

“Amutia koutou kāfai koutou e fakamātagā ma fakahāuāgia e tagata, ma ki lātou faia ni talapepelo kino kehekehe e uiga ki a te koutou, ona ko koutou ni hoko e ōku. Koutou ke olioli ma fiafia, auā e i te lagi te koutou taui lahi. Nae vēnā foki lava nā fakahāuāga nae fai e tagata ki nā pelofeta i nā aho kua teka.

Amutia nā tino e loto maulalo; auā ka maua e ki lātou nā fakamanuiaga kua uma te folafola mai e te Atua!

“Ko koutou e vē ko he māhima ki tagata uma o te lalolagi. Kae kāfai te māhima kua uma tona kokona, e mafai vēhea nei ke toe fakakokona? E hē toe aogā ki he mea kae nā ko te togi lava ki fafo ma holi i vae o tagata.

E tatau koutou ke lelei kātoatoa — ke vē ko te koutou Tamana i te lagi e kātoatoa tona lelei.

Kae lea oioti, ‘Io’ pe ‘Hēai’ — ko ho hētahi mea e lea ai koutou, e mai te Tiāpolo.

“Kua fakalogo koutou ki nā akoakoga, ‘E hui te mata i te mata, ma te nifo i te nifo.’ Kae ko au e lea atu nei ki a te koutou: nahe tauia e koutou he mea kino a he tino na fai ki a te koutou. Kāfai tō pakōkō taumatau e po e he tino, liliu ki ei tētahi pakōkō.

Ko te mea ia, kāfai ko tō mata taumatau te māfua ai oi agahala koe, gape kehe oi tīaki. E hili atu te māumau o hō itūtino i lo te togi o tō tino kātoa ki kēna. Ma kāfai ko tō lima taumatau te māfua ai oi agahala koe, tipi kehe oi tīaki. E hili atu te māumau o hō lima i lo te togi o tō tino kātoa ki kēna.