Popular Bible Verses from Kɛkolu 1

Share

Kɛɛ Nii Sɛnɛyanin vɛ jiila ài kɔkan, ài kɛtɔ fanga sɔlɔnna. Ài do kɛtɔ ǹ selelu le Jelusalɛmu ani Jude ni Samaliya koovilu lɔ, haan fɔɔ dunuɲa dan na.»

A k'ai javi, a vɛɛ: «Àiya ko tɛ wo le, k'a fɔ ài yi waate ni lon wolu lɔn, minu latɛɛnin ǹ Fa ya seetiiya lɔ.

A ka to ai fɛ ka jamali di ai ma, a vɛɛ: «Ài kà bɔ Jelusalɛmu, mafɔ ka ǹ Fa ya lahedi mafako makɔnɔ, ǹ na min ya ko fɔla ài yɛ. Kamasɔlɔn Yaya tɛɛ mɔɔlu makola ji le le, kɛɛ tele dana vɛ timinna, ài makotɔ Nii Sɛnɛyanin ne le.»

Aa tɔlɔya kɔ, a ɲɛnɛma ka bɔ gbɛ la ai ɲana boloɲa siyama ma, ani k'a jɛlɛ jiya ai la tele binaani (40) kɔlɔ, ka kuma ka bɛn Ala ya masaya ma.

Isa wɔlinin wo fɔla, a kɔlɔ ka ta ai ɲana ka jɛlɛ sangbolo lɔ, ado sanbiliya ka a latunun ai ma.

Ai ɲa lɔnin ka to Isa lɔ, a jɛlɛtɔla sangbolo lɔ, kɛ́ fila ka bɔ gbɛ la telemanin k'i lɔ ai dafɛ, faani gbɛ vɛ ai kanna. Wolu vɛɛ ai yɛ: «Galilekalu, mindɛ lɔ ài lɔnin jan, ài ɲa vɛ sangbolo lɔ? Isa min kɔlɔtanin ài tɛma ka jɛlɛ sangbolo lɔ, a do kɛtɔ seikɔla wo boloɲa kelen ne ma, iwo ài n'a jɛlɛtɔla yena teme sangbolo lɔ.»