Popular Bible Verses from Thãgbaa Thɔ̃thɔnaa Thɔ̃ 1

Share

Sɩ na ka na ˈlɛr fãga ɔbɔɔkɛ Thu Phuu na ɩnɩ na lõ nar, dɩ na dor ɩ̃ sobɔ so jɩdara Jerujalɛm, na Judera fɛʋ, na Samarɩra phaphapha gɩ dana ka thɩɩ khuni.

Dɩ birse wi: Ga ha anɩ pa dɩ na jɩ bɔɔ na wireekɛ Thɩrɛ kɔɔ dʋnɩ mɔ̃ ɔɔ thɛthɛɛ puno hanaˈ.

Mɔ̃kɛ a kɔɔ hanɩ kha na wɛr a kpãkpãa warɛ dɩ wa‐n hʋnɔna Jerujalɛm dɩaˈ, sɩ wɩ tɔɔ na pɩɛrɛ gɩrɛɛkɛ Thɩrɛ kɔɔ ʋlfɛnɩ ɩna cʋʋrɛ mɔ̃kɛ wɩ kɔɔ nɩɛnɩ dɩ ɩnɛr Jeju so war. Gɩdonɩ Jã nyʋɔnɔ a‐n kɔɔ kpɛɛ, sɩ nɛrɛ, kɩɛr na wire gbe na ˈlɛr Thu Phuu kpɛɛrɛ.

Ɔbɔɔkɛ a gaarnɩ bʋɔ a khinə pɩ sa ɩɩr, a kɔɔ nɩna wɛr dakha dɩbara mɔ̃ a donɩ yidaar na thɩ̃ jɔjʋɔɔkɛ na hanɩ bana paaraˈ. Wire kpalanyɔɔkɛ a cʋʋnɩ, a‐n kɔɔ nɩna wɩ ɔɔbara da‐n mɩɩna wɩ gɩrɛ dɔnɩ Thãgbaa fãgadaar dʋʋr.

Ɔbɔɔkɛ a mɩɩnɩ gelela pɩ, wa hɩɩnɛ dɩɩ do Thãgba khəsuure da‐n jʋʋn, dɩ ndɔlɔ̃paar thiirəəre.

Dɩ mɔ̃ wɩ‐n hɩɩnnɩ thãgbara yũ kirkirkir mɔ̃ a‐n jʋʋnnɩ, hɩnɛ wɩ yɩrɛ kona yenyɔ dɩ wɩ to kẽkẽ bulona a jɩɩlna war sa so: Nɛr Galiledara, anyera nɩ jɩɩl na‐n hɩɩn thãgbara ƴũ? Jejuukɛra Thãgba tini anɩ thɩ̃thɩɩn da‐n jʋʋn Thãgbaa dʋɔ, a na bire na ɩ̃ mɔ̃kɛra nɩ yɩɩnɩ gɩrɛ da‐n jalna Thãgbaa dʋɔ.