Popular Bible Verses from Luki 6

Share

Na‐n ˈlaanɛ, dɩ mɛ̃ Thãgba na ˈlaa a na ha nɩ dakha. Ga dor mɩɛda bʋɔɔkɛ wa ɩɩnɩ a na yɛyɛɛ gɩ hi ga‐n jal wɩ ha nɩ. Gɩdonɩ mɩɛda ca ʋrɛɛkɛ nɩ‐n kɔɔ mɩɛnanɩ thɩ̃ɛ, ɔrra Thãgba na mɩɛna a na ha nɩ oti.

Tɩɩ bʋɔ n tire dabʋɔɔkɛ hanɩ ɔɔ hara dɩ thena, sɩ tɩɩ puu n tire dapuukɛ hanɩ ɔɔ hara dɩ thena. Gɩdonɩ gɩrɛ n henɩ haarra, gɛr n thɛ nɔɔ.

Sɩ na‐n na anɩ lãlaardara, na‐n cʋɛ bɔɔ, na‐n pema tɩbɩla sɩ na‐n kpɩɛr nɩ birə ˈlɛrɔ dɩkha ga. Dɩ mɛ̃ na ˈlɛ khaarda kɔ̃tɩ̃ɩ, dɩ na dor dakha Kəkəədaarɩ bɩsãsɔ, gɩdonɩ a bɔrɛ tɩɩ kʋɛara na tɩɩ puusɔra.

Gɛr gɩ nɩ dɔ bɔ jɩ tɩbɩla, mɔ̃ anɩ Thɩ donɩ bɔ jɩdaar.

Na‐n fi do kɩɩldara ga, dɩ mɛ̃ Thãgba na do nar Kɩɩldaaraˈ. Na‐n heen tibil soraˈ, dɩ mɛ̃ na ˈlɛ so heene dakha ga. Na‐n faa tɩbɩlaa dɩ pa a na hana wɩ, dɩ mɛ̃ Thãgba na faa anɩ dɩ pa a na ha nɩ dakha.

Sɩ mɩ so narɛ nɛrɛɛkɛ n pɛ mɩnɩ nũu: Na‐n na anɩ lãlaardara, na‐n cʋɛ wɩrɛ n laarɛ nɩnɩ bɔɔ. Na‐n bɔna wɩrɛɛkɛ n sɔna nɩnɩ, na‐n bɩɛlnɛ Thãgba a na pɛ wɩrɛraakɛ n hʋɔlɛ narnɩ.

Gɩrɛɛkɛ nɩ‐n ƴaalnɩ tɩbɩla na‐n cʋɛ nar, na‐n cʋɛ ɔmɛ̃ wɛrra dakha.

A tibil ɓa fɩ gbʋa bɩɛl, fe gbʋa kpɩɩ a hanaa dakha. Dɩ a tibil gbaan afɩ darã, sɩɛraa a gba afɩ kẽkẽ gburo dakha wo. Tibil wo tibilikɛ n bɩɛlnɛ farnɩ thɩ̃ɛ, hanaa, dɩ tibilikɛ gbaan fɩnɩ thɩ̃ɛ, fa‐n lʋʋraˈ.

Thɩr bʋɔ na puno na se bi puəˈ. Dɩ thɩrʋʋkɛ na bʋɔnɔnaˈ na puno na se bi bʋɔ dakha ga.

Gɩdonɩ be wɩ‐n jɩna thɩra fɛʋ bɩɛlbɩɛl. Sobɔr gɩ, wa‐n yɛɛ bara usɩɛra ga, dɩ wa‐n khʋ̃ ɓãɓar be paabɩrʋra dakha ga.