Popular Bible Verses from John 1

Share

Aagai gilaadeu alodahi e gaavee ma de hagadonusia ia, gai ia e gaavange naa gi gilaadeu ssauaa e hai ai gi ni dama nii de Maadua

De Muna gu dahi donu i taamada, gai de Muna gu noho huu madali de Maadua, gai de Muna go de Maadua donu.

De maalama nei e hagamaalama lo te gohu, gai de gohu e dee maua donu i de hai gi lilo.

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

Mee alodahi go ia ne haia; gai teai donu se mee daudahi e dee go ia ne haia. Go ono daha iai de mouli, gai de mouli laa go de maalama o dangada.

De laangi i ono dua, gai a John ne gidee e ia Iesu e humai gi ono daha, gai ia ne hagadaba, “Tilo, Ssiibi Gauligi a de Maadua, go de ia e gaavee gee haisala o henua i lalo!

Ia ne humai gi henua i lalo, gai go ia donu ne hai henua i lalo alodahi; gai henua i lalo tee iloo e gilaadeu ia. Ia ne humai gi daho ono dangada donu, gai gilaadeu tee kave ia.

De maalama abodonu e hagamaalama ina laa dangada alodahi ne humai gi henua i lalo.

Gai hainga ne gaavange gi Moses gi gaamai; gai de abodonu ma de muna abodonu ne gaamai i daho Iesu Klisdo.