Popular Bible Verses from John 10

Share

Tangada gaiaa se humai e gaiaa, ma de daa gi maakau aama de oha; au ne humai gi maua ai e gilaadeu de mouli, go de mouli e honu abodonu.

Go au donu tangada hagaloosi ssiibi danuaa. Tangada hagaloosi danuaa, e gaavange dono mouli i hiidinga o denga ssiibi.

Agu ssiibi e langona dogu leo; au e iloo gilaadeu, gai gilaadeu e daudali mai i de au.

Au e gaavange gi gilaadeu de mouli e dee ngado mai, gai gilaadeu e dee haihai naa donu ga maakau; gai e deai donu se dangada e maua i de aau gee gilaadeu mai i lo togu lima.

Go au de haitoga abodonu; be goai e ulu mai i de au, gai ia e hagaola. Ia e ulu mai naa ma de sao ga hano, gai ia e gidee naa de mommee iai helii.

Go au donu tangada hagaloosi ssiibi danuaa; au e iloo agu ssiibi, gai agu ssiibi e iloo donu au

Dogu Damana, de ia ne gaamai gilaadeu gi de au, e maolunga ange i mee alodahi, gai e deai donu e maua i de aau gee gilaadeu mai i lo te lima o Tamana. Gimaau ma dogu Damana e dahi donu huu.”

bei de hai a Tamana e iloo ai laa au, gai au e iloo Tamana. Gai au e gaavange dogu mouli i hiidinga o denga ssiibi.

E dee se dangada gee donu ne gaavee dogu mouli, aagai go au donu ne dugua ange dogu mouli. Gai e dahi donu ogu ssauaa e gaavange ai dogu mouli, aama de hagaahe mai ange ai. Aanei muna a dogu Damana ne tala mai gi de au.”

Deelaa ai, Iesu ne hai ange hogi gi gilaadeu, “Ni muna abodonu, ni muna abodonu aagu e hai adu nei gi goodou, go au de haitoga o denga ssiibi.

Tangada hagaloosi hagao e dee go tangada hagaloosi ssiibi abodonu, niiana laa denga ssiibi. Deelaa ai, de masavaa naa huu aana e gidee ai de humai o de wolf , gai ia ga tili denga ssiibi, gai ga savini ga hano. Gai de wolf ga humai ga daa de hagabuulingaa ssiibi ga hagamavaevae saele.

“Ni muna abodonu, ni muna abodonu aagu e hai adu nei gi goodou, tangada e dee ulu mai gi lo te buibui o denga ssiibi i de haitoga, aagai e gage mai gi lodo i dahi mommee gee, se dangada gaiaa ma de daa dangada.