Popular Bible Verses from John 12

Share

Be goai e hai hegau mai gi de au, gai ia gi daudali mai i de au. Gai go hee naa huu oogu iai, gai go kilaa hogi o dogu dangada hai hegau iai. Gai dogu Damana e hagadubu tangada e hai hegau mai gi de au.

Be goai e hagamogomogo ina dono mouli aama e tili donu, gai be goai e kino i dono mouli i henua i lalo nei, gai ia e doange dono mouli gi de mouli e dee ngado mai.

Ni muna abodonu, ni muna abodonu aagu e hai adu nei gi goodou, noo de hua grain e dee doo gi lo te gelegele ga bobo ai, gai e dahi donu huu hua laa, aagai noo e doo iho ga bobo, gai e somo age naa ga lagolago ono hua.

Au ne humai e hai ai de maalama o henua i lalo, gai be goai e hagadonusia au gai ia e dee noho donu i lo te gohu.

Gai noo tangada e langona agu muna aagai e dee daudali ai, gai au e dee hagamodu ono muna, go hiidinga au tee humai e hagamodu muna o henua i lalo, gai au se humai e hagaola henua i lalo.

Gai Mary ga gaamai dahi pauni vai hagamanongi hagao ngadaa mmao e hai i nard ga hagasulu ai luu vae o Iesu, ma de ssolo luoono vae i ono ngaangaaulu. Gai lo te hale laa alodahi gu manongi i de vai laa.

Deelaa ai, gilaadeu ne duuduu iho denga lau palm ga hulo ai e hedae ange gi de ia, ga hagataba, “Hosanna! E manuuia tangada e humai i de ingoo o TAGI MAOLUNGA, de Hodooligi o Israel!”

Gai Iesu ga hai ange gi gilaau, “Gu dae mai de masavaa e hagamahamaha ai Tama a tangada.