Popular Bible Verses from Evvan 19

Share

Isõs juuǥǥi viin da cieʹlǩi mâŋŋa: «Tõt lij tiuddum.» Suʹst vueiʹvv reepčti da son jaaʹmi.

Isõs tiõʹđi ååʹn tuâjas tiuddum. Što Pââʹss ǩeeʹrj sääʹn tuõđštõõvči, son veâl cieʹlǩi: «Muʹst čääʹʒʒ juǥstâtt.»

Ko Isõs vuõiʹni jieʹnnes da tõn mättʼtõspäärna, koon son räʹǩsti, čueǯǯam tõʹst ââlda, Isõs cieʹlǩi jeännses: «Kaav, tõʹst lij pärnnad!» Mâŋŋa son cieʹlǩi mättʼtõspäärnže: «Tõʹst lij jeännad!» Tõn rääʹjest tõt mättʹtõspäärnaž vaaʹldi Isõõzz jieʹnn luuzzâs jeälsted.

Leša ko puõʹtte Isõõzz luzz, sij vuõiʹnne, što son leäi jäämmam juʹn, jiâ-ǥa muårrâm suu taauʹtid. Õhtt seeʹst čuõʹǧǧii säiʹttsueʹbbines Isõõzz jeärtta, tõʹst tâʹlles kolǥškueʹđi võrr da čääʹcc.

Tät šõõddi tõn diõtt, što teuddjeʹčče Pââʹss ǩeeʹrj sääʹn: «Taauʹtid sij jiâ suʹst muår.» Nuuʹbb sââʹjest eʹpet cieʹlǩet: «Sij ǩeäʹčče suu, koon sij lie čieʹǩrdam.»

Son jiõčč kuõʹddi risttmuõrâs da pueʹđi nuʹt koččum vueiʹvvkäällpäikka, hebreaǩiõʹlle Golgata.

Sääldat raʹjje čuâggairaaʹzzin ǩiõmrdõõzz, piʹjje tõn suu vuäivva da caʹǩǩe suu ool ruõʹpsses pihttâz.