Popular Bible Verses from Atos 1

Share

Naraha Deo Corime ccarronabote naui. Tibodideniza torrarizazana pocca dacorehe ticarrimananitoui. Nazana otauimari maride tiquerrenarizaniuarrine. Arri timadimananicca oza panani Zerozareza maride tiquerrena, ticcadeni zama Zodeaza maride tiquerrena, Zodea uinorinicca zama Samariaza maride tiquerrena narizaniuarrine, onarraro. Arra zama uarri tanicca madirizemanarrarideni naco bazima otauimari mittarizemanauiuarrine teccorarize-manana. Arri ouaza rraui tirrarizeza qqui tiquenarrarocca uima, occa marinarra timittemanarrarocca uima naqui mari ticanabaqquirizana, onarraro –narrari Zeso.

Naraha Zeso pouadeniza uati tarrari: —Tettidenipe: “Nerrecoma naza ia Izarraeodenicca cacauehe torrapomapazerre?” tiquenarraroqui? Naraha narraro uimape ticcadeni rrerani. Abi Deo Pouana nauato tarrari. Niza Poua nacassa taza ticcadeni cacauehe torrapomanitoui.

Nazama pocca zozosse tabaqquiza madirizapomaza naco arrirraro uima pouadeniza uati tarrari: —Rrehe, arri oza panani Zerozare tinebomana-rrerarri. Occa Abi uati taporraricca uima bicani parrissa tiadeniza torraniuarrine touini timadimanaccarri. Narraro uimape tiadeniza uati onapode. Taidezama tibodideni cacarriqquimerezape: “Occa uimasiri onebona” tiquenezape Zouaopa passo dopaniza tiadeni niqui tozanabaqquiraha niza uada onihizana Deo Poua Corime tiadeniza da inarizazapa tibodideni denima cacarriqquimeranitoui. Deopa tibodideni zati inananitoui −narrari Zeso.

Nirra Teopiro? Ouape Roca. Tiaza Zeso Cristo tauimari dozo onaporraro. Arra poua zepe ihirri narraricca uima dozo, arra madirra mari mari ihicanabaqqui narraricca uima dozo onarronarraroa poua toccamacossaniui bacco tarraroparri. Zesopa zoqqueza ppa izemanaraha nauatonizapa memeuarri toccamacossani-rraraccaza pocca zozosse tabaqquiza arra poua icatterriza-baqquiporrarideniza ahauatoni narrari. Pouadeniza madirizapomaccarrari. Zesozana Deo Corime madiza pocca zossenirricca uima pouadeniza uati uati tatarra narrari. Pocca bero naqui pouadeniza noue inezape: —Rrehe, Zesopa parrissa assire madinipomarrari −quenarrari. Nazapa uada 40 nehe pouadeniza madirizapomaza naco Deocca cacauehecca uima mari mari ihicanabaqqui narrari.

Zeso pocca uima uati uati taha rricazapa poua uatimadedeni cattomama canaraha toccamacossanirrari. Meme esseniza touatorarrari.

Nazama Zeso poua uatimadedeni memeuarri tocattamacossassa cananarra pouadeni uinoriza maqquiderre pamaha eterorideni mopoqquiri naha auatomemanarrari. Pouadeni attipa arrama quenarrari: —Arri zama Carireacca madirra arriza timadimanarrarodeni nerrecotoui memeuarri ticattamacossassa canarraro? Arra Zesopa tiadeniza madiraha Deo idinimacossanirrari, memeuarri madipomauiuarrine. Arra toccamacossaniui qqui tiquenarraripa ccanipomaza naco narrarissa nauitoui. Meme essenima carrimaha namiuarri ccaronapomauitoui −quenarrari.