Popular Bible Verses from Johanne 14

Share

Ke le siela kgotso, ke le fa kgotso ya ka; A dipelo tsa lona di se ferekane, mme di se ke tsa tshoha.

Jesu a re ho yena: Ke nna tsela, le nnete, le bophelo

A dipelo tsa lona di se ferekane; le dumela ho Modimo, le dumele le ho nna.

Empa Moemedi, e leng Moya o Halalelang, oo Ntate a tla o romela ka lebitso la ka, o tla le ruta tsohle, mme o tla le hopotsa tsohle tseo ke le boleletseng tsona.

Ya nang le melao ya ka, mme a e boloka, ke yena ya nthatang; mme ya nthatang o tla ratwa ke Ntate, le nna ke tla mo rata, mme ke tla iponahatsa ho yena.

Ke tla rapela Ntate, mme o tla le nea Moemedi e mong, hore a dule le lona ka ho sa feleng; E leng Moya wa nnete; eo lefatshe le ke keng la mo amohela, kahobane ha le o bone, leha e le ho o tseba; hobane o ahile le lona, mme o tla ba ka ho lona.

Mme eng kapa eng eo le e kopang ka lebitso la ka, ke tla e etsa, hore Ntate a tlotliswe ka Mora. Haeba le kopa eng kapa eng ka lebitso la ka, ke tla e etsa.

Haeba le a nthata, le boloke ditaelo tsa ka.

Ka tlung ya Ntate ho na le meaho e mengata; hoja ho ne ho se jwalo, nka be ke le boleletse. Ke ya ho le lokisetsa bodulo.

Mme etlare ha ke eya ho le lokisetsa bodulo, ke tla boela ke tle, mme ke le nkele ho nna; hore moo ke leng teng, le lona le be teng.

Thomase a re ho yena: Morena, ha re tsebe moo o yang; mme tsela re ka e tseba jwang?