Popular Bible Verses from Mattheu 24

Share

Mme ka baka la ho ata ha bokgopo, lerato la ba bangata le tla tapa. Empa ya tiisetsang ho isa bofelong, ke yena ya tla bolokeha.

Mme Evangeli ena ya mmuso e tla bolelwa lefatsheng lohle, e be bopaki ho ditjhaba tsohle; mme e tla ba hona bofelo bo hlahang.

Le tla utlwa dintwa le menyenyetsi ya dintwa, le hlokomele hore le se tshohe

Hobane setjhaba se tla tsohela setjhaba matla, mmuso o tsohele mmuso matla, mme ho tla ba le ditlala, le mafu a sewa, le ditshisinyeho tsa lefatshe nqalong tse ngata. Tsena tsohle ke qalo ya bohloko.

Lehodimo le lefatshe di tla feta, empa mantswe a ka a ke ke a feta.

Hobane ba bangata ba tla tla ka lebitso la ka, ba re: Ke nna Kreste; mme ba tla kgelosa ba bangata.

Mohlang oo ba tla nehelana ka lona mahlomoleng, ba le bolaye, mme le tla hlouwa ke ditjhaba tsohle ka baka la lebitso la ka. Ke moo ba bangata ba tla kgoptjwa, mme ba tla ekana, ba hloyana. Ho tla hlaha baporofeta ba bohata ba bangata, mme ba tla kgelosa ba bangata.

Jesu a araba, a re ho bona: Iponeleng, le se ke la thetswa ke motho.

Ka baka leo, le lona le itokise, hobane Mora motho o tla tla ka nako eo le sa e nahaneng.

Fadimehang ke hona, hobane ha le tsebe nako eo Morena wa lona a tla tla ka yona.

Empa malebana le letsatsi leo le hora eo ha ho ya tsebang, leha e le mangeloi a lehodimong, haese Ntate feela.

Hobane ho tla hlaha bo-Kreste ba bohata, le baporofeta ba bohata, mme ba tla etsa mehlolo e meholo le meeka; hoo, hola ke ntho e ka etswang, ba ka thetsang le bona bakgethwa.

Empa jwalokaha ho bile mehleng ya Noe, ho tleng ha Mora motho ho tla ba jwalo. Hobane jwaloka mehleng ya pele ho morwallo, ba ne ba eja, ba enwa, ba nyala, ba nyadisa, ho fihlela tsatsi leo Nowe a keneng arekeng ka lona, mme ba se ke ba tseba ho fihlela moroallo o tla, o ba hohola bohle; ho tla ha Mora motho ho tla ba jwalo.