Popular Bible Verses from KwabaseKorinte 2 KwabaseKorinte 2 – 4

Share

Kaloku thina asixuneli ezintweni ezibonwayo, sixunela kwezingabonwayo; kuba ezibonwayo zezexeshana; ke zona ezingabonwayo zezonaphakade.

Kungoko singethi mandla; kuba nokuba umntu wethu wangaphandle uya esonakala, usuka yena owangaphakathi aye ehlaziyeka imihla ngemihla. Kaloku imbandezelo yethu, eyeyomzuzwana, isisebenzela ubunzima obuncamisileyo, obuncamisileyo.

Siyabandezelwa ngeenxa zonke, singaxineki; siyathingaza, kodwa asincami; siyatshutshiswa, kodwa asishiywa; sikhahlelwa phantsi, asitshatyalaliswa

Ke kaloku obu butyebi sibuphethe ngezitya zodongwe, ukuze incamisa yamandla ibe yekaThixo, ingaphumi kuthi.

Athi kubo uthixo weli phakade wazimfamekisa ngaphakathi kwabo iingqiqo zabangakholwayo, ukuze singabengezeli kubo isikhanyiso seendaba ezilungileyo zobuqaqawuli bukaKristu, ongumfanekiselo kaThixo.

Ngokuba nguThixo, yena wathi ukhanyiso malukhanye ebumnyameni, okhanyisele iintliziyo zethu, ukuze kukhanye ukwaziwa kobuqaqawuli bukaThixo ebusweni bukaYesu Kristu.