Popular Bible Verses from uIsaya uIsaya 51

Share

Mna ndinguye uMthuthuzeli wenu

Ndiwabekile amazwi am emlonyeni wakho, ndakugubungela ngesithunzi sesandla sam, ukuba ndityale amazulu, ndiseke iziseko zehlabathi, ndithi kwiZiyon, Ningabantu bam.

Phulaphulani kum, nina nibaziyo ubulungisa, nina bantu banesiyalo sam entliziyweni yabo; Musani ukuzoyika izingcikivo zabantu, ningazoyiki izithuko zabo.

Ngokuba uYehova uya kuyithuthuzela iZiyon, uwathuthuzele onke amanxuwa ayo; uya kuliguqula ilizwe lakhe libe njenge-Eden, nelizwe layo libe njengomyezo kaYehova; Kuya kufunyanwa imihlali nemivuyo kuyo, imibulelo nezwi lendumiso.

Ke abakhululwa bakaYehova baya kubuya beze eZiyon benemihlali; novuyo olungunaphakade luya kuba phezu kweentloko zabo; ulonwabo novuyo baya kulufumana; nobuhlwempu nentswelo iya kusaba.