Popular Bible Verses from San Juan 15

Share

Ho'on te sch'oxalon ts'usub, ha'ex te sc'abex; te mach'a jc'axel ya yac' sba ta jtojol soc te ho'on jc'axel ya cac' jba ta stojol, ya me yac' bayel sit, yan teme parte yac awac' abahic, mayuc bin ya xhu' awu'unic spasel.

Jc'axel me xawac' abahic ta jtojol, hich jc'axel ya cac' jba ta atojolic. Hich te bin ut'il ma xhu' ya sitin sc'ab ta stuquel teme ma ba jun ay soc te sch'oxale, ha nix hichex teme ma ba jc'axel yac awac' abahic ta jtojole.

Teme jc'axel yac awac' abahic ta jtojol soc teme ya x'ayin ta awo'tanic te jc'ope, c'anahic spisil bin ya sc'an awo'tanic, ya me x'a'botex.

Ma ha'uquex la atsahonic, ho'on la jtsahex soc la jcaq'uex yu'un ya xbahex soc ya sitinex, soc te sit yac awaq'uic ma ba ya xch'ay; scuenta yu'un spisil te bin yac ac'ambeyic te Tatil ta scuenta jbihil, ya me ya'beyex.

Mayuc mach'a c'ax hich ay sc'uxul yo'tan a te bin ut'il te mach'a ya yac' scuxlejal ta scuenta te yamigo.

Spisil sc'ab te ay ta jtojol te ma ba ya yac' sit, ya set' loq'uel; spisil te ya yac'ticlan sit, ya spasticlan ta lec scuenta yu'un c'ax to xan hich ya sitin a.

Ha mandaril cu'un ini: Talel c'axel c'ux me xawa'iy abahic ta awo'tanic hich te bin ut'il c'ux la jca'iyex ta co'tan.

Ha ya x'ich'ot ta muc' Jtat yu'un teme bayel ya sitinex, hich ya xchicnaj a te ha jnopojelex cu'un.

Ho'on te smelelil ch'oxalon ts'usub, soc ha jcanan-ts'usubil te Jtate.

Te mach'a ma ba jc'axel ya yac' sba ta jtojol, hich c'ohem te bin ut'il sc'ab te ya yich' ch'ayel loq'uel soc ya xtaquij; ya yich' tsobel ochel ta c'ahc', ya xlaj ta c'ahq'uel.

Ha la jcalbeyex ini scuenta yu'un hich yac awich'bonic te yutsil co'tan, soc ts'acal ya xc'oht a te yutsil awo'tanic.

Teme yac ach'uhunic spasel te mandariletic cu'un, hich jc'axel ya x'ayinex ta stojol a te sc'uxul co'tan, hich te bin ut'il jch'uhunej spasel te mandariletic yu'un te Jtat soc jc'axel ayon ta stojol te sc'uxul yo'tan.

Ya jpasex ta mandar: Talel c'axel c'ux me xawa'iy aba ta awo'tanic.

Te ha'uc yu'unex te bahlumilal, c'ux ya ya'iyex ta yo'tan te hichuque; pero te bin ut'il ma yu'unuquex te bahlumilal, como ho'on la jtsahex loq'uel tal ta yohlil te bahlumilal, ha scuentahil te ya sp'ajex te bahlumilale.