Popular Bible Verses from San Lucas 6

Share

A'beyahic, hich me ya x'a'botex: lec sp'isojbil, tembil, yuq'uilambil soc buen t'ocol yac awich'ic. Como te hich smuc'ul yac ap'is, hich nix yac awich' p'isbeyel, xchi.

Te winic te lec yo'tan, ya sloq'ues tal te bin lec ay ta yo'tan. Yan te winic te ma lecuc yo'tan, ya sloq'ues tal te bin ma lecuc ay ta yo'tan, como ya xloc' tal ta ye te bin nojel ta yo'tane.

Ha yu'un c'ux me xawa'iy ta awo'tan te acontratac, pasbeyahic te bin lec, a'beyahic ta majanel, ma me xamahliyic te ay bin ya ya'beyex a. Hich muc' mahtanil yac awich'ic, soc hich yal-snich'anex te Mach'a toyol ay ya xc'ohex, como ay yutsil yo'tan ta stojol mach'atic ma sna'ic yalel wocol soc mach'atic chopol yo'tanic.

Ha yu'un te ha'exe a'iyahic me c'uxultaywanej, hich te bin ut'il jc'uxultaywanej te Atatique.

Ma me xawich'o-c'optayic yan, hich ma ba yac awich'ic ich'o-c'optayel. Ma me xawalbeyic smul yan, hich ma ba ya xhalot amulic a. Pasahic perdón, hich me ya xpasbotex perdón a.

Pero ha'ex te yac awa'iybonic te jc'ope, ya calbeyex: C'ux me xawa'iy ta awo'tan te acontrahic, lec me bin yac apasbeyic te mach'atic ya sp'ajex; lec me sc'oblal awu'unic te mach'atic chopol ac'oblalic yu'un, soc c'opombeyahic Dios te mach'atic ya yixta'c'optayex.

Te bintic ya sc'an awo'tanic te ya spasbeyex yantic, ha ni me hich xapasbeyic.

Te mach'a ya smajbat acho, ac'a smajbat schebal; soc te mach'a ya spojbat amuc'ul-c'u', a'beya ec te anahtil-c'u'e. Mach'ayuc a te ay bin ya sc'ambat, a'beya; soc te mach'a ya yich'bat te bin ay awu'un, ma me xac'ambe suhtel.

Mayuc lequil te' te ma lecuc sit ya yac'; soc mayuc te' te ma lecuc, te lec sit ya yaq'ue.

Como te jujutehc' te' ya xna'bot sba ta scuenta sit. Ma ba ya yich' tulel higo ta jpeht ch'ix, soc ma ba ya yich' tulel ts'usub ta ch'ixetic.