Popular Bible Verses from San Marcos 11

Share

Ha yu'un ya calbeyex, spisil te bin yac ac'anic ta sc'oponel Dios, ch'uhunahic te ya x'a'botex, hich me ya x'a'botex.

Jamal ya calbeyex, mach'ayuc a te ya yalbe ha'i wits ini: Loc'an, ch'oja ochel aba ta mar, teme xchihe, teme ma xchebetuc yo'tan, teme sch'uhunej te hich ya xc'oht ta pasel te bin la yale, hich me ya xc'oht ta pasel.

Te c'alal yaquex ta sc'oponel Dios a, pasbeyahic perdón teme ay mach'a ay stahoj smul ta atojol, scuenta yu'un hich ya spasbeyex perdón yu'un amulic a te Atatic te ay ta ch'ulchan.

La sjac' te Jesús: Ayuc me sch'uhunel awo'tanic ta stojol Dios.

Hich la yal ta p'ijubteswanej: ¿Ma bal hichuc ts'ihbabil: Te jna hich ya xc'oht sbihil te ha na yu'un sc'oponel Dios yu'un spisil nacionetic, te xchihe? Pero te ha'exe la ac'atp'uniquix ta sch'en j'eleq'uetic, xchi.

Te mach'atic nahil ayic soc te mach'atic patil ayic, hich yacalic ta aw: ¡Hosana! ¡Bayel yutsil te mach'a talem ta scuenta sbihil te Cajwaltique!

¡Bayel yutsil te cuentahinel yu'un te jtatic David te yac ta talele! ¡Hosana ta stoyolil ch'ulchan! xchihic ta aw.