Popular Bible Verses from ଲୁକ 13

Share

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଚିପା ହାଜି ନିପଣ୍ ଆଜି ସରଗ୍ ରାଜିତାକେ ହାଞ୍ଜେଙ୍ଗ୍ ଉପାୟ୍ କିୟାଟ୍। କେତେକ୍ ହେନି ହେବେ ହାଞ୍ଜେଙ୍ଗ୍ ଉପାୟ୍ କିନାର୍। ମାତର୍ ହେୱାର୍ ହାଞ୍ଜେଙ୍ଗ୍ ଆଡୁର୍।

ହେବେ ଇଲେକେ ର କଗ୍‌ଲେ ମାଚାତ୍। ହେଦେଲିଙ୍ଗ୍ ବୁତ୍ ଡୁଜି ମାଚାତ୍, ଅଟର ବାର୍ହୁ ପାତେକ୍ ହେଦେଲ୍ କୁବ୍‌ଡ଼ି ଆଜି ସିଦା ଆଦେଙ୍ଗ୍ ଆଡ୍‌ୱାଦାଙ୍ଗ୍ ମାଚାତ୍। ଏଚେପାଦ୍ନା ଯୀଶୁ ହେଦେଲିଙ୍ଗ୍ ହୁଡ଼୍‌ଜି ଲାଗାୟ୍ କୁକ୍‌ଚି ୱେଚ୍‌ଚାନ୍, “ଏ କଗ୍‌ଲେନି ଦୁଃକ୍‌କଷ୍ଟତାଙ୍ଗ୍ ନଙ୍ଗୟ୍ ହାର୍ ଆତାଇ।”

ଏଚେପାଦ୍ନା ଯୀଶୁ ତା କେଇ ହେ କଗ୍‌ଲେ ଜପି ଇଡ଼୍‌ତାନ୍। ହେଦାପ୍ରେ ହେ କଗ୍‌ଲେ ସିଦାଆଜି ନିଲ୍‌ତେଙ୍ଗ୍ ଆଡ଼୍‍ତାତ୍। ହେଦେଲ୍ ଈଶ୍ୱରତିଙ୍ଗ୍ ଜୟ୍-ଜୟ୍ କିତାତ୍।

ନଙ୍ଗୟ୍ ଇମ୍‌ଣାକାର୍ ପାଚେ ମାନାର୍, ହେୱାର୍ ଈଶ୍ୱର ସାସନ୍ କିନି ରାଜିତାକେ ପାର୍ତୁମ୍ ଆନାର୍। ଆରେ ଇମ୍‌ଣାକାର୍ ପାର୍ତୁମ୍ ମାନାର୍ ହେୱାର୍ ପାଚେ ଆନାର୍। ଆରେ ପାର୍ତୁମ୍ ମାନି କେତେକ୍ ମାନାୟ୍ ଈଶ୍ୱର ସାସନ୍ କିନି ରାଜିତାକେ ୱିଜୁତାଙ୍ଗ୍ ପାଚେ ମାନ୍‌ଗାନାର୍।”

ଯଦି ଈଶ୍ୱର ତା ଇଲ୍‌ନି କାପାଟ୍ ଗେସ୍ତିତିସ୍, ଲାଗିଙ୍ଗ୍ ଏପେଙ୍ଗ୍ ବାର୍ତ ନିଲ୍‌ଚି କାପାଟ୍ ଇହ୍‌ନାଦେର୍। ମାତର୍ ହେୱାନ୍ କାପାଟ୍ ଜେତୁନ୍। ଏପେଙ୍ଗ୍ ୱେଚ୍‌ନାଦେର୍, ‘ମାପୃ, ମାପୃ, ମା କାଜିଙ୍ଗ୍ ଦୁୱେର୍ ଜେତା।’ ମାତର୍ ହେୱାନ୍ ଇଞ୍ଜ୍‌ନାନ୍ ଆନେଙ୍ଗ୍ ମିଙ୍ଗେଙ୍ଗ୍ ପୁଞ୍ଜ୍‌ୱାତାଙ୍ଗ୍‌ନା, ‘ଏପେଙ୍ଗ୍ ଇମେତାଙ୍ଗ୍ ୱାତାଦେର୍‌ନା?’

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାଇ କିୱିତିସ୍ ଏପେଙ୍ଗ୍ ପା ହେୱାର୍ ଲେକେ ଦଣ୍ଡ୍ ପାୟାଆନାଦେର୍।”

ତାପାଚେ ହେୱାନ୍ ମିଙ୍ଗେଙ୍ଗ୍ ୱେଚ୍‌ଚାନାନ୍, ‘ଆନେଙ୍ଗ୍ ମିଙ୍ଗେଙ୍ଗ୍ ପୁଞ୍ଜ୍‌ୱାତାଙ୍ଗ୍‌ନା। ଏପେଙ୍ଗ୍ ଇମେତାଙ୍ଗ୍ ୱାତାଦେର୍‌ନା? ଏପେଙ୍ଗ୍ ବାନ୍ଯା କାମାୟ୍ କିନାକାଦେର୍ ନା ଲାଗାୟ୍‌ତାଙ୍ଗ୍ ହାଲାଟ୍।’

ଯୀଶୁ ଆରେରଗ ୱେଚ୍‌ଚାନ୍, “ଈଶ୍ୱର ସାସନ୍ କିନି ରାଜି ଇଲେକେ ହେ ବିଷୟତାଙ୍ଗ୍ ଆନେଙ୍ଗ୍ ର କାତା ୱେଚ୍‌ଚାନାଙ୍ଗ୍। ଈଶ୍ୱର ରାଜି ର ହାର୍‌ହୁ ମାଞ୍ଜି ଲେକେ, ର ମାନାୟ୍ ହେଦାଙ୍ଗ୍ ଅଜି ଜାର୍ ଜମିତ ୱିତ୍‌ନାନ୍, ଆରେ ହେଦାଙ୍ଗ୍ ଗଜାଆଜି ଗାଜାମାର୍ ଆନାତ୍। ଆରେ ତା କେନ୍ଦାଙ୍ଗ୍ ଗାଜା-ଗାଜା ଆନିକ୍। ଆରେ କେନ୍ଦାକାଙ୍ଗ୍ ବାଦାଡ଼୍‌ନି ପଟିଙ୍ଗ୍ ଗୁଡା ଗାଚ୍‌ଚି ବାହାକିନିକ୍‌।”