ହେ କଗ୍ଲେ ପୁଚାତ୍ କି ଯୀଶୁ ସାକ୍ତିତାଙ୍ଗ୍ ଆନେଙ୍ଗ୍ ହାର୍ ଆତାଙ୍ଗ୍ନା। ହେଦାଙ୍ଗ୍ କାଜିଙ୍ଗ୍ ହେଦେଲ୍ ହେ ହାର୍ଆତି ବିଷୟତିଙ୍ଗ୍ ଡ଼ୁକ୍ତେଙ୍ଗ୍ ଆଡ୍ୱାଦାଙ୍ଗ୍, ଯୀଶୁ ଲାଗାୟ୍ ହାଲ୍ଜି ମେଣ୍ଡାକୁନ୍ଦି କିତାତ୍। ଆରେ ପାଣ୍ଡ୍ରୁତିଙ୍ଗ୍ ତ୍ରିଗ୍ଜି-ତ୍ରିଗ୍ଜି ଯୀଶୁଙ୍ଗ୍ ଆସ୍ପି ହାର୍ଆତି ୱିଜୁବେଣ୍ ମାନାୟାର୍ ମୁମ୍ଦ ୱେଚ୍ଚାତ୍। ହେବେତାଙ୍ଗ୍ ଯୀଶୁ ହେ କଗ୍ଲେଙ୍ଗ୍ ୱେଚ୍ଚାନ୍, “ଏ କଇ ଏନେଙ୍ଗ୍ ନାଙ୍ଗେଙ୍ଗ୍ ପାର୍ତି କିତ୍ତାୟ୍ ହେ ପାର୍ତି ନିଙ୍ଗେଙ୍ଗ୍ ହାର୍ କିତ୍ତାତ୍। ଆରେ ଏନେଙ୍ଗ୍ ୱିଜୁ ରଗ୍ତାଙ୍ଗ୍ ହାର୍ ଆତାୟ୍, ନଙ୍ଗୟ୍ ଈଶ୍ୱର ନି ହୁଦାଙ୍ଗ୍ ମାନାନ୍ ଏନେଙ୍ଗ୍ ଶାନ୍ତିତାଙ୍ଗ୍ ହାଲା।”