Popular Bible Verses from यूहन्ना 14

Share

“मय तुमके शान्ति देऊन जायें सें, आपलो शान्ति तुमके देंयें से; जसन संवसार देऊ आय, मय तुमके नी देंयें: तुमचो मन बाय बिकाल नी होओ आउर नी डरो।

ईशु हुनचो ले बल्लो, “बाट आउर सत आउर जीव मय ची आंय; बिना मोचो नाहालो कोनी बुआ चो लगे नी पहुँचुक सके।

“तुमचो मन बाय बिकाल नी होओ; माहापुरू थाने बिश्वास संगाहा आउर मोचो उपरे बले बिश्वास संगाहा।

मान्तर सायक बल्लोने पवितर आत्मा जेके बुआ मोचो नाव ले पटाये दे, हुन तुमके सपाय गोठमन सिकाये दे, आउर जोन काई मय तुमचो ले बल्ले से, हुन सपाय तुमके सुरता कराये दे।”

जेचो लगे मोचो हुकुममन आसे आउर हुन हुनमन के मानु आय, हुनी मोचो ले मया संगाऊ आय; आउर जोन मोचो ले मया संगाऊ आय हुनचो ले मोचो बुआ मया संगाय दे, आउर मय हुनचो ले मया संगायें दें आउर आपन खुद के हुन थाने उजागर करें दें।”

मय बुआ ले गुहार करें दें, आउर हुन तुमके गोटक आउर सायक देये दे कि हुन हरमेशा तुमचो संगे रये दे। बल्लोने सत चो आत्मा, जेके संवसार गरहन करूक नी सके, कसनबल्लोने हुन ना हुनके दकु आय आउर ना हुनके जाने से; तुमी हुनके जानास, कसनबल्लोने हुन तुमचो संगे रऊ आय, आउर हुन तुमचो ने होये दे।”

जोन बले तुमी मोचो नाव ले मांगा से, हुनी मय करें दें कि बेटा चो बाटले बुआ चो महिमा होओ। अगर तुमी मोचो ले मोचो नाव ले काई मांगा से, तो मय हुनके करें दें।

“अगर तुमी मोचो ले मया संगाऊ आस, तेबे मोचो हुकुममन के माना से।

मोचो बुआ चो घर ने खुबे असन रतोर जगा आसे, अगर नी होती तेबे मय तुमके बोलुन देते; कसनबल्लोने मय तुमचो काजे जगा तिआर करूक जायें सें।

आउर अगर मय जाऊन भाती तुमचो काजे जगा तिआर करें दें, तेबे फेर ऐऊन भाती तुमके आपलो थाने धरून जायें दें कि जोन थाने मय रयें दे हुता तुमी बले राआ।”

थोमा हुनचो ले बल्लो, “हे परबु, आमी नी जानु कि तुय काहां जाय सीस; तो बाट कसन जानु दें?”