Popular Bible Verses from लूका 6

Share

दिआ से, तेबे तुमके बले देदे। लोग पुरा नाप चेपाऊन-चेपाऊन भाती आउर हलाऊन-हलाऊन भाती आउर उचरा-उचरी तुमचो कोरा ने रिका दे, कसनबल्लोने जोन नाप ले तुमी नापु आहास, हुनची ले तुमचो काजे बले नापाय जाये दे।”

अच्छा माने आपलो मन चो अच्छा भण्डार ले अच्छा गोठमन निकराऊ आय, आउर खराप माने आपलो मन चो खराप भण्डार ले खराप गोठमन निकराऊ आय; कसनबल्लोने जोन मन ने भरली से हुनी हुनमन चो मुंह ने ऐऊ आय।

मान्तर आपलो शतरूमन ले मया संगावा, आउर भलाई करा, आउर फेर पावतोर आशा नी संगाऊन भाती उदार दिआस; आउर तुमचो काजे बड़े फल होये दे, आउर तुमी परमपरधान चो पिलामन ठेबा से, कसनबल्लोने हुन हुनमन उपरे जोन धन्यबाद नी करोत आउर खरापमन उपरे बले किरपालु आसोत।

जसन तुमचो बुआ दयावन्त आय, असने ची तुमी बले दयावन्त बना।

“दोष नी लगाआ, तेबे तुमचो उपरे बले दोष नी लगा दे। दोषी नी ठेबाआ, तेबे तुमी बले दोषी नी ठेबा से। छमा करा, तेबे तुमके बले छमा कर दे।

“मान्तर मय तुमी सुनातो बितामन ले बलें सें कि आपलो बयरीमन ले मया संगाहा; जोन तुमचो ले बईर करोत, हुनमन चो भला करा। जोन तुमके सराप दे ओत, हुनमन के आशीष दिआस; जोन तुमचो अपमान करोत, हुनमन चो काजे पारथना करा।

जसन तुमी मन करसास कि लोग तुमचो संगे करोत, तुमी बले हुनमन संगे असने ची करा।

जोन तुचो गोटक गाल ने थापड़ मारो हुनचो बाटे दुसर के बले फेरून देस; आउर जोन तुचो अन्गोची के झिको, हुनके कुड़ता धरतोर ने बले नी ठेबाव। जोन कोनी तुचो ले मांगो, हुनके देस; आउर जोन तुचो तीज झिकुन धरो, हुनचो ले नी मांग।

“कोनी अच्छा रूक निआय जोन खराप फर फरो, आउर ना तो कोनी खराप रूक आसे जोन अच्छा फर फरो।

सपाय कोनी रूक आपलो फर ले चिताया जाऊ आय; कसनबल्लोने लोग बुटामन ले अंजीर नी टुटा ओत आउर ना बुटा बोर ले अंगुर।