Popular Bible Verses from मत्ती 24

Share

अधरम चो बड़लोने खुबेमन चो मया सितर होऊन जाये दे, मान्तर जोन आखरी तक धीरज धरून रये दे, हुनचेई मुक्ति होये दे।

आउर राज चो ऐ नगतखबर पुईतराय जगत ने परचार करा जाये दे, कि सपाय जातिमन उपरे गोहई होओ, तेबे आखरी होये दे।”

तुमी लड़ीईमन आउर लड़ीईमन चो चरचा सुना से, तेबे घबराऊन नी जाआ कसनबल्लोने ऐ मन चो होतोर जरूरी आय, मान्तर हुदलदाय आखरी नी होये।

कसनबल्लोने जाति उपरे जाति, आउर राज उपरे राज चड़ाई करे दे, आउर जगा-जगा अकाल पड़े दे, आउर भुईं डोल होये दे। ऐ सपाय गोठमन डण्डमन चो मुर होये दे।

बादरी आउर धरतनी टलुन जादे, मान्तर मोचो गोठमन केबीई नी टले।”

कसनबल्लोने खुबे असन असन हो दे जोन मोचो नाव ले ऐऊन भाती बल दे, ‘मय मसीह आंय’, आउर खुबे के भरमादे।

तेबे हुनमन कलेश देतो काजे तुमके धरा दे, आउर तुमके मारून पका दे, आउर मोचो नाव चो कारन सपाय जातिमन चो लोग तुमचो ले बईर संगा दे। तेबे खुबे असन ठोकरना खादे, आउर गोटक दुसर के धरा दे, आउर गोटक दुसर ले बईर संगा दे। खुबे असन फंदी अगम गिआनी उठून उबा हो दे, आउर खुबेमन के भरमादे।

ईशु हुनमन के जबाप दिलो, “खबड़दार राहा! कोनी तुमके नी भरमाऊक सकोत

ऐईकाजे तुमी बले तिआर राहा, कसनबल्लोने जोन घड़ी चो बारे ने तुमी बिचारास बले नाई, हुनी समया माने चो बेटा ऐऊन जाये दे।”

ऐईकाजे चेत ने राहा, कसनबल्लोने तुमी नी जानास कि तुमचो परबु कोन दिने ऐये दे।

“हुन दिन आउर हुन घड़ी चो बारे ने कोनी नी जानोत, ना सरग चो दूत ना बेटा, मान्तर मात्र बुआ।

“कसनबल्लोने झूठा मसीह आउर फंदी अगम गिआनी उठून उबा हो दे, आउर बड़े चिना, आउर भयंकर काम दका दे कि अगर होऊक सको तो चुनलो बितामन के बले भरमादे।

जसन नूह चो दिन रये, असने ची माने चो बेटा चो ऐतोर बले होये दे। कसनबल्लोने जसन जल परलय ले पयले चो दिनमन ने, जोन दिन तक कि नूह जाहाज थाने नी चेगलो, हुन दिन तक लोग खाते-पिव ते रवत, आउर हुनमन ने बिहा होते रये। आउर जिदलदाय ले जल परलय ऐऊन भाती हुन सपाय के बोहड़ाऊन नी निली, हुदलदाय ले हुनमन के काई बले जान नी पढ़ली; असने ची माने चो बेटा चो बले ऐतोर होये दे।