Popular Bible Verses from मरकुस 10

Share

कसनबल्लोने माने चो बेटा ऐईकाजे नी ईलो कि हुनचो सेवा शासन करा जाओ, मान्तर ऐईकाजे ईलो कि खुद सेवा शासन करो, आउर खुबे लोगमन चो छंड़ातो काजे आपलो जीव देओ।”

ईशु हुनमन चो बाटे दकुन भाती बल्लो, “मानेमन ले तो ऐ नी होऊक सके, मान्तर माहापुरू ले होऊक सके; कसनबल्लोने माहापुरू ले सपाय काई होऊक सके।”

ईशु हुनचो ले बल्लो, “जाते जा, तुचो बिश्वास तुके चेंगा करलो से।” हुन तुरते दकुक मुरयालो, आउर बाट ने हुनचो पाट-पाट गेलो।

ऐईकाजे जोन के माहापुरू जोड़ लो से हुनके माने अलग नी करोत।”

ईशु हुनचो उपरे नंजराऊन भाती हुनचो ले मया करलो, आउर हुनचो ले बल्लो, “तुचो ने गोटक गोठ चो कमी आसे। जा, जोन काई तुचो आय हुनके बिकुन भाती कंगालमन के देऊन देस, आउर तुके सरग ने धन मिरेदे, आउर ऐऊन भाती मोचो पाट-पाट हो।”

ऐ थाने ईशु हुनचो ले बल्लो, “तुय काय चाहाय सीस कि मय तुचो काजे करें?” काना हुनचो ले बल्लो, “हे रब्बी, ऐ कि मय दकुक मुरयायें।”

मान्तर तुमीमन ने असन निआय, मान्तर जोन कोनी तुमीमन ने बड़े होऊक चाहाय से हुन तुमचो सेवक बनो

मय तुमचो ले सते बलें सें कि जोन कोनी माहापुरू चो राज के पिला चो असन गरहन नी करे, हुन हुन थाने केबे ओलुक नी सके।”

मान्तर खुबे असन जोन पुरे आसोत, पाटकुती होदे; आउर जोन पाटकुती आसोत, हुनमन पुरे होदे।”

मान्तर बरमाण्ड चो मुर ले माहापुरू नर आउर नारी करून हुनमन के बनालो से। ऐई लागुन माने आपलो आया-बुआ ले अलग होऊन भाती आपलो बायले संगे रये दे, आउर हुनमन दुनो देंह गागर हो दे; ऐईकाजे हुनमन अदायं दुय नाई मान्तर गोटक देंह आत।