Popular Bible Verses from M. Yohana 14

Share

Mtendere numsiilani; mtendere wangu numpani: umo mchupera charo neo nte mnumperani. Mitima yanu isafipa kano kuchita mwezo.

Yesu emuuzya, Ne nine njira na vyendi na moyo: paliye omzila Ŵata sembe muli neo.

MITIMA yanu isafipa: mumchetekera Mlungu, chetekerani neo nane.

Sembe Chipuzisya, niye Mzimu Mtuŵa, wati akatume Ŵata mzina langu, azomsambizyani vyonse nomkumbusyani vyonse vinichiti kuli mweo.

Uyo ana matetulo ŵangu noŵasunga ni onitemwa: naye onitemwa azatemweke na Ŵata, na neo nize nimtemwe nolilangizya kwake.

Neo nimsenge Ŵata, naye azampeni Chipuzisya umbi aŵekuŵa namwe maŵeromaŵero, niye Mzimu wa vyendi: uchisakuma charo cha pansi kumpokera, pachisamuŵona kano kumziŵa: mweo mumziŵa, pakuti onkala namwe, azaŵe mwa mweo.

Chiri chonse chimti mosenga mzina langu nize nichichite, kuti Awisi alemekewe mMwana. Mkanisenga kantu konse mzina langu nize nikachite.

Kati munitemwa mosunga matetulo ŵangu.

Mng'anda ya Ŵata muli vikalo vinyinji; kati ntiteti sembe nimuuzyani: pakuti nikuyomuwamizyani ulo.

Kati nikuya nomuwamizyani ulo nize niwere soti nimpokerereni mwangu namwine, kuti kunti nkaŵe neo mkonkalako namwe soti.

Tomaso enena naye, Asikuru, situziŵa kumkuya; tiziŵe syani njira yake?