Popular Bible Verses from Luka 17

Share

Nao Jesu kamuza, “Uka ughenda ngila zako, idumusi lyako lyakuboesa.”

Naye ngera akukosa mandu mfungate kwa ijua, na kukujila mandu mfungate kekuuza, ‘Nariha’, ni suti umufwile waya.”

Nao mumoju wawe aghenda aona wabowa, kauya kemlika Mlungu kwa lwaka lubwaa. Kamgwila Jesu maghuluni kamhawa asanta. Naye oluo ni Msamaria.

Kwa hung'u kulindeni! Ilyi wakwenyu akukosa, mkanye; naye ilyi ariha umufwile waya.

Nao Jesu kaghora, “Ado wose ikumi siwaombocholo? Weo hiyo walye kenda?

Naye Bwana kawauza, “Ngera moluo na idumusi sa ndembe ya haradali, macho mwaghuuza ughu mukuyu, ‘Kuka aha na uwandike baharini,’ nagho ghumusikilagha.”

Uwo wose eshayagha kughukiza umana ghwake ughulaghazagha, ela uwo wose eghulaghazagha; umana ghwake ughukizagha.

Nao Jesu kawauza wairimi wake, “Matimo ghedea wandu wagwe kaung'eni ni suti ghakale; ela ni bugha kwako uyu mundu eghaletagha. Yeluo ni baha kwake afungo lwalwa lwesha singo kwake na akumbo baharini, kuchumba kumshekerera mumoju wa wachache awa kugwa kele idumusi.

Kwani selyi kwenyi yeluo majua gha Noa, niko kwenyi ikalagha majua gha Mwana wa Mdamu. Wandu welyile, wakanwa, wakalola, wakauso, hata ijua lyilya Noa angilile kele safina na meji ghakaruka na kuwahaitisa wose.