Popular Bible Verses from JUAN 10

Share

Axti kusɨpɨx kuatatiatai akusɨpɨti, atabaiti nauki aiñamesokoti nanaiña. Tapɨ axɨñɨ isekatɨ nauki ane kɨtɨpɨx ausɨborikibo sobi.

Axɨñɨ ipiaka nuxia yasaratɨ yutaku nobixhaka. Axti naki ipiaka asaratitɨ yutaku nobixhaka ityoximiatati nisɨborikixhti yutaku.

Axɨbama aboma isiuñɨ isuputaramañɨ, axɨñɨntyo isuputakama. Axɨma takana nobixhaka opisuputakai nuraxti naki asaratɨ yutaku, axtityo isuputariontiño. Axɨbama aboma isiuñɨ ikokotama nisura

sobi sɨborikoma ɨmo nanaiña naskɨbeka, chɨkoiñopɨma ñana champɨtityo uiche aikiaɨbuti xhopɨnanakiñɨ.

Axɨñɨ tyuruxɨñɨ ɨmo napes: axɨna nobixhax sɨrotɨpo auki axɨna tyurux, moximiakana tato nomɨnantɨ uixh. Sɨrotɨpo, sɨrotɨ tatityo tyɨrɨpo, taikiana atabɨ uixh utuburiboti.

Axɨñɨ ipiaka nuxia yasaratɨ yutaku nobixhaka. Sane takanati Iyaɨ isuputaratiñɨ axɨñɨntyo isuputakati, saneityo axɨñɨ isuputakio niyabu nobixhaka tapɨ axio opisuputarañɨntyo.

Axɨna toxio iñemo uiti Iyaɨ taruku niyarusɨrɨkɨx pɨnanaki namanaiña, champɨti naki ikiaɨbutati pɨnanakiti. Axɨñɨ ichepeti Iyaɨ kunauntañantai subaka.

“Sane takanati Tupax axti naki Iyaɨ isuputaratiñɨ, axɨñɨntyo isuputakati. Saneityo axɨñɨ isuputakama axɨbama sɨromatɨ isiuñɨ axɨmaintyo isuputaramañɨ. Axɨñɨ ityoximiata nisɨboriki yutaku niyabu nobixhaka.

Champɨti naki ikiaɨbutati nisɨboriki, axɨñɨ ityoximiata ui niñoñemantoe. Ane nisɨriaka nauki ityoximia nisɨboriki, anentyo nisɨriaka nauki yasuriu tatityo, tyone axɨna yakɨpukuxti Iyaɨ nauki isamune.

Auki nanti tatityo ɨmoma: “Axɨna sukanañɨ aume: Axɨñɨ tyuruxɨñɨ ñome nobixhaka.

Tapɨti naki asaratitɨ yutaku nobixhaka ityobo monixh, axtɨ asaratitɨ kɨmenu nuitɨmɨx besɨburuti. Omonkono nobixhaka uiti, ityopiki chityonentipɨ naki ipiakati asaratitɨ yutaku tyopiki chɨtɨpɨ niyabuxti. Auki axɨmanu nuitɨmɨx batabaiyo nobixhaka tapɨ pikiataka omiñaxio.

Auki nanti Jesús: “Axaño tusiu aume axɨbamantai makusɨpɨka ichepe mayatabayoka tobɨsoma onɨki korax nauki ayepo uimia.