Popular Bible Verses from Марк 2

Share

Йесо уый куы фехъуыста, уӕд сын загъта: «Дохтыр ӕнӕнизты нӕ, фӕлӕ рынчынты хъӕуы. Ӕз ӕрцыдтӕн рӕстгӕнджытӕм нӕ, фӕлӕ тӕригъӕдджынтӕм фӕсидынмӕ».

Йесо сын федта сӕ уырнындзинад ӕмӕ загъта ӕндзыгнизӕй хъыгдардӕн: «Мӕ хъӕбул, хатыр дын сты дӕ тӕригъӕдтӕ».

Йесо ма сын загъта: «Адӕймаджы сабатӕн не сфӕлдыстӕуыд, фӕлӕ сабат — адӕймагӕн.

Адӕмӕй Йӕм бацӕуӕн кӕй нӕ уыд, уымӕ гӕсгӕ хӕдзары сӕр байгом кодтой, цар ныххуынкъ кодтой ӕмӕ йӕ уырдыгӕй йӕ хуыссӕныл ӕруагътой.

Фӕлӕ сымах хъуамӕ зонат: Адӕймаджы Фыртӕн ис зӕххыл тӕригъӕдтӕ хатыр кӕныны бар». Ӕмӕ ӕндзыгнизӕй хъыгдардӕн загъта: «Дӕумӕ дзурын: сыст, сис дӕ хуыссӕн ӕмӕ цу дӕ хӕдзармӕ».

Ӕндзыгнизӕй хъыгдардӕн цы ӕнцондӕр у зӕгъын: „Хатыр дын сты дӕ тӕригъӕдтӕ“ ӕви: „Сыст, сис дӕ хуыссӕн ӕмӕ райдай цӕуын“?

Уый фестади, йӕ хуыссӕн систа ӕмӕ ӕппӕт адӕмы раз рацыди. Иууылдӕр дисы бафтыдысты, кад кодтой Хуыцауӕн ӕмӕ дзырдтой: «Ахӕм диссаг никуыма федтам».