Popular Bible Verses from GÉNESIS 32

Share

Chai runaca, Jacobtaca cashnami nirca: “Cambaj shutica, ña na Jacob cangachu. Ashtahuangarin, cunanmandaca Israel shutimi canga. Taita Dioshuambash, runacunahuambash macanajushpa mishashcamandami, chashna shutita charingui” nircami.

Chai runaca Jacobtaca: “Saquihuai, ñamari punllayamun” nirca. Shina nijpimi Jacobca: “Ñucata na bendiciajpica, candaca na cacharishachu” nircami.

Jacobca pailla saquirishpami, shuj runahuan punllayangacaman macanajurca.

Chaimandami Jacobca: “Taita Diosta, ñavi ñavi ricushpapash causanirami” nishpami chai pambataca, “Peniel” shutita shutichirca.

Chai runaca, Jacobhuan macanajuita na ushashpaca, huasha changapi huactashpami, Jacobpaj changa mucu anguta fitirca.

Shina nijujpimi chai runaca, Jacobtaca: ¿Ima shutita cangui? nijpi, paica, Jacobmi cani nirca.

Shina nijpimi Jacobca, cashna nishpa tapurca: “Cunanga, cambaj shutita villahuai” nijpimi, chai runaca: “Ñuca shutitaca, ¿narachu yachangui?” nirca. Chai jipami, paitaca chaipillata bendiciarca.

Ñucata ninanda llaquichunga, ima alitapash na rurapashcanichu. Shina cajpipash, Cambajta ruraj cajpimi, ñucamanga alita rurahuashcangui. Cai Jordán yacutaca, tauna caspihuanllami yalircani. Cunanga, ishcandi manñamanmi carpacunata charini.

Chaimandami Israelcunaca, animalcunapaj huasha changa angutaca, cunan punllacaman na micun. Jacobta, changa mucu angupi huactashcata yarishpami, chashna na micun.

Chaimandami Jacobca, cashna nijurca: “Ñuca taita Abrahambaj, ñuca taita Isaacpaj Taita Dioslla. Can Mandaj Taita Diosllatami: ‘Cambaj llactaman, cambaj ayllucunapajman tigrailla. Ñucami, candaca bendiciasha’ nihuarcangui.

Cunanga, ñuca huauqui Esautami ninanda manllani, paipaj maquimanda quishpichihuailla. Pai shamushpaca, huarmicunatapash, huahuacunatapash huañuchishpa tucuchinga yashpami, ninanda manllani.