Popular Bible Verses from Lukas 6

Share

Panaak kouno do tulun vokon onuu nopo iri itaak muju, om onuan kovi do Kinoringan gosob insok-insok om mabai-labai kanogi iri itaak dikovu i pinoijanan. Sabap potingkuro nopo pongoturan muju si do vokon, nga irino pongoturan do Kinoringan si dikovu,” kadi Yisus.

Irad nogi dino i tulun kopijo. Do nong aandai nopo i tulun, nga aandaino iri mimbulai mantad si ginavojo. Nga nong araat nopo i tulun, nga araatno iri mimbulai mantad si ginavojo, sabap do onuu nopo iri si ginavojo nga irino tangaronjo,” kadi Yisus.

Nga ada kou sugut irad dino, nga misti do au kou kojuu di musu muju om andaion mujuno marong iolo. Om onuu nopo nga ipoolos muju diolo nga adano ondomo muju do kivaro iguli kavagu diri nipoolos muju, supaya kadapat kou di isuli do Kinoringan dikovu diri do insan tadau, om kointutunan dikovu do tangaanak kou do Kinoringan i Agajo Marong Kuasa. Do andaion do Kinoringan iri tulun di au koilo monorimakasi om nogi i tongotulun di taraat.

Kosianai mujuno i tongotulun vokon do irad nogi di Tama tokou do osianan dikovu,” kadi Yisus.

Om kadi Yisus kavagu, “Ada kouno monginsala do tulun vokon, om i Kinoringan nga aui pakasala dikovu. Om ada kouno pongukum do vokon, om au kovi oukuman do Kinoringan. Om pangampun kouno do tulun vokon om oompunan kouno do Kinoringan.

Om kadi Yisus kavagu, “Nga ikovu nopo do nokorongouno diti tinangarKu om misti do au kou kojuu di musu muju, om misti do aandai gaagaya muju si di tulun iri obonsi dikovu. Om misti pokibarakatanno i tulun di mongintulus dikovu, om sambayangaino i tulun di manansara dikovu.

Pamaal kouno diri aandai siri di tulun vokon irad diri kouvangan muju do aandai i tulun vokon si dikovu.

Nong tompilingon nopo do tulun ino porilingnu sampaping, ipatapap nogi ino porilingnu sampaping. Nong saladanko nopo do tulun dino sabungnu, pataakonnu nogi i singlitnu disido. Isaai nopo mokianu dika, mistino do onuannu. Om isaai nopo iri maganu di poromponnu, nga adano mokiguli.

Om pitangarno i Yisus kavagu do ka, “Ausoi puun do aandai do monguva di araat, om auso puun do araat do monguva di aandai.

Do irino tuva do kaju pongintutunan muju do aandai ko araat. Sabap ausoi mongupu dikovu di tuva do nunuk siri korugijan, om nogi auso mongupu dikovu di tuva do anggur siri bintorung.